Blackberry үйл ажиллагаагаа зогсоосон ч Эминем үнэнчээр хэрэглэсээр байна
Тэгвэл алдарт рэппер Эминем хуучны Blackberry утсаа үнэнчээр хэрэглэсээр байна. DJ Whoo Kid-ийн саяхан оруулсан инстаграм постод Эминем Blackberry утас барьсан байжээ. Постын тайлбарт "Тэр Детройтод байдаг Mom's Spaghetti ресторанаасаа авч ирсэн хоолыг нь хэн идсэнийг мэдэх гэж хичээж байна. Аан тийм, тэр одоо ч Blackberry утастайгаа байгаа" гэжээ.
Blackberry компани хоёр жилийн өмнө үйл ажиллагаагаа албан ёсоор зогсоож, сүлжээгээ хаасан билээ. Тиймээс хуучин Blackberry утас хэрэглэгчид одоо зөвхөн дуудлага хийж, мессеж бичих боломжтой юм байна.
Сонирхуулахад, Эминем Mom's Spaghetti ресторанаа 2017 онд нээж байсан бөгөөд өөрийнхөө Lose Yourself дууны мөрөөр ийнхүү нэрлэжээ. Саяхан Mom's Spaghetti рестораны талаар сөрөг сэтгэгдэл интернэтэд түгж, олон нийтийн анхаарлыг татсан юм.
Эх сурвалж: Daily Mail