"Dragon Ball"-ийг бүтээгч Акира Торияама 68 насандаа таалал төгслөө
Алдарт "Dragon Ball" манга болон анимэгийн бүтээгч Акира Торияама таалал төгссөн тухай мэдээлэл өнөөдөр буюу баасан гарагт цацагдлаа. "Dragon Ball"-ийн албан ёсны сайт дээр түүнийг 3 сарын 1-нд харамсалтайгаар тархин дахь цусны бүлэгнэлтийн улмаас нас барсан болохыг мэдээлсэн байна.
Түүний нас барсан тухай мэдээлэл дээр "Маш олон төсөл дээр ихээхэн урам зоригтойгоор ажиллаж байсан. Бүтээж, дуусгах зүйл ч их байсан. Маш их харамсалтай байна" хэмээсэн байна.
1984 оноос эхлэн тус манга болон анимэ Япон гэлтгүй дэлхий дахинаа танил болж, фэнүүдтэй болж чадсан юм.
Акира Торияама 1978 онд "Wonder Island" мангагаар өөрийн карьер замналыг эхлүүлж байсан юм.
1984 онд "Dragon Ball" бүтээл гарч эхэлсэн бөгөөд тэр цагаас хойш анимэ, бүрэн хэмжээний уран сайхны кино болон одоог хүртэл дэлхий дахинаа нэрээ дуурсгасаар байгаа юм.