Хамраас цус гартал дурлуулж, догдлуулж мэдэх 9 тоглоомын дүр
Тоглоом тоглох дуртай, хайртай уншигчид маань өөрсдийн хамгийн царайлаг гэж боддог дүрээ заавал бичиж үлдээгээрэй.
1. Леон Скотт Кеннеди - Resident Evil
Цэнхэр нүд, цайвар шаргал үс, уртавтар загварлаг үсний засалт болон гарын булчин нь үнэхээр галзуу. Дээрээс нь RE 4 remake дээрх нь хүйтэн хөндий гэмээр байдал нь улам бүр хүмүүсийг өөртөө татсан гэхэд болно. Тоглосон хүмүүс нь мэднэ дээ.
2. Артур Морган - Red Dead Redemption 2
Маш үнэнч, бас үүрэг даалгавартаа тууштай, чанга, илүү дутуу зан чанаргүй байдлаараа түүний дүр ихээхэн алдартай.
3. Астарион - Baldur's Gate
Baldur's Gate 3 тоглоом дээр танилцуулагдсан энэхүү дүрийн биеэ авч явах байдал, дуу хоолой бол жинхэнэ гал гал.
4. Сакай Жин
Самурай нар Монголчуудын эсрэг тулалдаж буйгаар гардаг, хамгийн шилдэг самурайтай тоглоомд тооцогддог "Ghost of Tsushima"-ийн гол дүр. Манай ажлын залуу санал болгосон учраас оруулахаас өөр аргагүй болсон билээ. Угаасаа гоё оо.
5. Жоэл Миллер - The Last of Us
Дүрийг нь цуврал дээр Педро Паскал бүтээсэндээ ч биш, энэ дүр анхнаасаа л сэтгэл татам байсан.
6. Кениг - Call of Duty
За энэ их сонин. Ер нь хүмүүс багтай дүрд маш их хайртай байдгийн нэг жишээ л дээ. Үүн дээр нэмээд "Ghost"-ийг бас дурдаж болно. Учир нь тэр багны цаана ямар царай байгаа бол гэхээс догдлол мэдэрдэг байх. Мөн мэдээж тулалдах чадвар, мөн тулааны үеэр хэлдэг хөгжилтэй хошигнол, тоглоомтой яриа нь түүнийг улам сэтгэл татам болгодог. Түүний тухай хэчнээн fanfiction байдгийг та мэдвэл гайхна даа.
7. Вергил - Devil May Cry
Хүн болон чөтгөрийн эрлийз, чөтгөрийн маш хүчирхэг чадварын өөртөө шингээсэн нэгэн. Мөн Дантег заавал дурдах хэрэгтэй. Аль аль нь л гоё.
8. Коннор - Detroit: Become Human
Яг үнэндээ энэ нийтлэлийг хийх хүртлээ мэддэггүй байсан дүр. Гэхдээ хүмүүс үнэхээр хайртай гэдгийг та Tik Tok ороод л шууд харж болох нь.
9. Клифф Унгер - Death Stranding
"Death Stranding" тоглоомын эсрэг талын дүр. Олон улсад тусгай ажилтнаар ажиллаж байсан АНУ-ын тусгай ажилтан. Гэвч тэрээр үхэх үедээ үхэл болон амьдралын заагийг нэвтэлж, хүүхдээ эргүүлэн авахаар явах болно.