1 мин

Оливия Манн хорт хавдартай тэмцэж байна

М.Сугар-Эрдэнэ 2024.03.14 2 1

"Икс хүмүүс: Апокалипсис" кононы жүжигчин Оливия Манн хөхний хорт хавдартай тэмцэж байгаагаа инстаграм хуудсаараа мэдэгдлээ. 

Тэрээр “Өнгөрсөн оны дөрөвдүгээр сард надаас хорт хавдар илэрсэн. Түүнээс хойш би хэд хэдэн хагалгаанд ороод байгаа. Харин азаар эмч эрт оношлосон тул надад боломж байна. 2023 оны хоёрдугаар сард шинжилгээнд ороход юу ч илрээгүй. Манай эмч гэрбүлийн хорт хавдрын түүх, анхныхаа хүүхдийг 30 нас өнгөрсөн хойноо төрүүлсэн зэрэг хэд хэдэн нөхцлийн улмаас хөхний хорт хавдар тусах эрсдэл байгаа гэж үзэн шинжилгээнд оруулсан юм. Тэгээгүй бол би ирэх жилийн шинжилгээ хүртэл мэдэхгүй явах байсан” гэж бичжээ. 

Сүүлийн 10 сард тэр дөрвөн хагалгаанд орж, ихэнх цагийг эмнэлэгт хэвтэж өнгөрөөсөн байна. 

“Гайхалтай нь би хоёр удаа л уйлсан. Нулимс гаргах цаг биш гэдгийг мэдэрсэн байх. Би анхаарлаа төвлөрүүлж, ухаанаа саруул байлгахад саад болоод байсан сэтгэлийн хөдөлгөөнөө хаясан”

Олон нийтээс тэр өвчнөө нууж байлаа. Саяхан Оскарын ёслол дээр ч тэр найз залуугийн хамт гарч ирсэн билээ. 

“Хүч чадалтай байгаа дээрээ, гадуур зугаалж чаддаг, хүүхдээ цэцэрлэгт хүрээлэнд тоглуулж чаддаг байх үедээ хүмүүст харагдахыг хүссэн юм. Эмнэлэгт орны минь дэргэд үргэлж байсан Жондоо баярлалаа. Бүх эмэгтэйчүүддээ хөхний хорт хавдрын эрсдлийн шинжилгээнд эрт орохыг уриалж байна. Оройтуулж болохгүй шүү”

М.Сугар-Эрдэнэ 2024.03.14