1 мин
Фото: "Чиний дэргэд юм бүгд сайхан" (Захидал, найргийн үдэш)
Ub.life сайт болон "Fat Cat" жазз клубээс хамтран зохион байгуулдаг "Poetry Night"-ийн ээлжит эвент "Чиний дэргэд юм бүгд сайхан" нэрээр гуравдугаар сарын 18-нд буюу Монгол цэргийн өдрөөр болж өндөрлөлөө.
Хүрэлцэн ирсэн хүмүүс сэтгэлийн хүндээ хаягтай өөр өөрийн өнгө аяс бүхий захидал, найргаа уншиж, тухайн захиаг бичиж ахуй болоод догдлон уншиж асан үеийнхээ гэгэлгэн мэдрэмжээс хуваалцав. Захидал бол хүний сэтгэлийн хамгийн үнэн, бодит илэрхийллийн тусгал билээ. Түүнд ямар ч дүр эсгэлт шаардлаггүй агаад гагц зүрх сэтгэлээрээ бичихэд л хангалттай юм. Шүлэг ч ялгаагүй, агшин хормын мэдрэмж, догдлолыг барьж үлдэхийн төлөөх үйл хэрэг л найрагчийг урин дууддаг гэлтэй. Ингээд эл үдшийн уур амьсгалыг мэдрүүлэх фото сурвалжлагыг хуваалцаж байна.