1 мин

75 настай "Fortnite"-ийн тоглогч Кэт Боуи: Би өдөрт 6 цаг тоглодог

Ub.life 2024.03.25

75 настай Кэт Боуи видео тоглоомын ертөнцөд шуугиан тариад байна. Тэрбээр Fortnite видео тоглоомын топ тоглогчдын нэг SypherPK-тэй хамтарч эхэлснээс хойш олны хараанд өртөх болжээ. Кэт Боуи анх 17 настай ач хүүгээ Fortnite тоглож байхыг хараад сонирхож эхэлсэн гэнэ.

Grumpygran1948 нэрээр танигдсан Кэт Боуигийн юүтүбер SypherPK-тэй хамтарсан анхны тоглолт сая гаруй хандалт авчээ. Өдгөө тэр дэлхий даяар мянга мянган үнэнч шүтэн бишрэгчтэй болоод байгаа юм.

Кэт Боуи "Анх намайг тоглолтоо шууд дамжуулна гэхэд ач хүү маань их уурласан. Та энийг тоглож чадахгүй, хэн ч үзэхгүй бас дагахгүй. Одоо харин тэр хэлэх үггүй болоод байна" гэв. Тэр эхний гурван жил ганцаарчилсан тоглолт хийдэг байсан ба ур чадвараа ахиулсны дараа багтай болж, шууд дамжуулалт ч хийх болжээ. Гэхдээ залуу тоглогчдын хортой, бүдүүлэг үг хэллэг түүнд таалагдаагүй тул багаа ахмад тоглогчдоор бүрдүүлжээ. Өдгөө тэр өдөрт зургаан цаг видео тоглоом тоглодог гэнэ.

Кэт Боуиг стриминг хийдэг болоод удаагүй байхад "Fortnite"-ийн топ тоглогчдын нэг SypherPK түүний тоглолтыг анзаарч улмаар хамт баг болж тоглох санал тавьжээ. Боуид энэ санал маш их таалагдсан бөгөөд Америкаас ирсэн өөр нэг найзыгаа урьснаар гурван хүнтэй баг бүрдсэн байна.