1 мин

Энн Хэтэуэй "The Devil Wears Prada"-д тоглосноос хойш дахиж үзээгүй гэв

Ub.life 2024.03.26

Алдарт The Devil Wears Prada киноны 18 жилийн ой ирэх зургаадугаар сард тохиох гэж байна. Энэхүү киноны гол дүрийг бүтээсэн жүжигчин Энн Хэтэуэй саяхан Vanity Fair сэтгүүлийн бичлэгт оролцож, тоглосон кинонуудынхаа талаарх сэтгэгдлээ хуваалцжээ.

Энди (Энн Хэтэуэй) Миранда Пристлигийн (Мерил Стип) өрөө рүү анх ордог хэсгийг үзсэнийхээ дараа тэр Мерил Стип хэрхэн продакшны ажлыг хүндэтгэхийн сацуу дүрээ чадварлагаар гаргасныг яриад түүний ажлын арга барил нэг бүрийг өөртөө шингээж авахыг хичээж байсан гэжээ. Түүнчлэн Энн Хэтэуэй "The Devil Wears Prada" кинонд тоглосноосоо хойш бараг л дахиж үзээгүй гэдгээ энэ үеэр ярьсан байна. 

The Devil Wears Prada кино ердөө 35 сая долларын төсвөөр бүтсэн ч нээлтээ хийсэн даруйдаа 326 сая долларын ашиг олоод зогсохгүй үе үеийнхний үзэх дуртай бүтээлийн нэг болсон билээ. Тиймдээ ч киноны үргэлжлэл гарах эсэх тухай яриа үе үе гардаг. 

Гэхдээ тус киноны уран бүтээлчид үргэлжлэлийг хийх бодит алхам хийж байгаагүй гэдгийг Энн Хэтэуэй саяхан Happy Sad Confused подкастад оролцохдоо дэлгэжээ. Мөн киноны үргэлжлэл гарах шаардлагагүй гэж боддогоо тэрбээр хуваалцсан байна.

Эх сурвалж: Daily Mail

Ub.life 2024.03.26