1 мин

Арнольд Шварценеггер зүрхэндээ хиймэл аппарат суулгуулжээ

М.Гэрэлмаа 2024.03.27 2

Холливудын жүжигчин, Калифорнийн амбан захирагч асан Арнольд Шварцнеггер өөрийн хөтөлдөг “Arnold’s Pump Club” подкастдаа зүрхний аппарат суулгуулсан талаараа ярьсан байна. Тэрээр зүрхний төрөлхийн гажигтай бөгөөд үүнээсээ улбаалан хавхлаг солиулах мэс засал хийлгэжээ.

 Өдгөө 76 настай тэрээр эрүүл амьдралын хэв маяг, бие хөгжүүлэлтээрээ үлгэр жишээ нэгэн билээ. Түүний хувьд нас бол зүгээр тоо бөгөөд одоо хүртэл фитнесээр идэвхтэй хичээллэлдэг. Гэсэн хэдий ч 2018 онд тэрээр зүрхний нээлттэй мэс засал хийлгэж, уушгины хавхалга суулгуулсан байна. Мөн үүнээс хоёр жилийн дараа буюу 2020 онд гол судасны хавхалга солих хагалгаанд орсон юм.  

Гайхалтай нь саяхан орсон хагалгааныхаа дараа тэрээр  “Би сайн байгаа. Мэс засал маань даваа гарагт болж өнгөрлөө, тэгсэн ч би бямба гарагт найзтайгаа уулзсан шүү" гэж хошигносон байна. Мөн Шварцнеггер хэлэхдээ "Надтай адилхан зүрхний гажигтай мянга мянган хүмүүс хагалгааны минь өдөр урам хайрлаж над руу зурвасууд илгээсэн. Тэдний ачаар итгэл найдвар төрж бие минь маш сайн байна" гэжээ.

Эх Сурвалж: CNN.com

М.Гэрэлмаа 2024.03.27