4 сарын 1-ний хошигнолоос болж шүүхэд гомдол гаргажээ
Нигерийн хөгжмийн од, "Afrobeats" хамтлагийн дуучин Давидо 4-р сарын нэгэн хошигнолоос болж шүүхэд нэхэмжлэл гаргажээ. Дөрөвдүгээр сарын 1-нд Давидогийн хувийн онгоцноос кокайн олдсоны улмаас Кени улсад баривчлагдсан гэх мэдээлэл K24 TV телевизээр цацагдаж удалгүй цахим орчинд шуугиан тарьсан байна.
Зүүн Африкт хийсэн аялан тоглолтоо дөнгөж дуусгаад байсан Давидо дөрөвдүгээр сарын 1-ний энэ "хошигнол"-ыг маш хариуцлагагүй үйлдэл хэмээгээд "Би ямар ч байдлаар гэмт хэрэгт холбогдож, баривчлагдаж байгаагүй" гэжээ.
Кенийн Эрүүгийн мөрдөн байцаах газар уг мэдээллийг "худал" гэж твиттер хуудаснаа мэдэгдсэн боловч Давидод гайхаж, цочирдсан хүмүүсээс олон тооны дуудлага ирсэн гэнэ.
#FakeNews pic.twitter.com/6qNJzLil47
— DCI KENYA (@DCI_Kenya) April 1, 2024
Давидо "Дөрөвдүгээр сарын хошигнол нэрээр гэмт хэргийн холбогдолтой мэдээллийг зохиомлоор цацсан нь маш хариуцлагагүй үйлдэл гэж бодож байна. Манай хуульч энэхүү ташаа мэдээллийг тараасан хэвлэл мэдээллийн байгууллагуудын эсрэг хуулийн арга хэмжээ авах болно" гэжээ.
Эх сурвалж: BBC