1 мин
Дайныг дэмжсэн Садулаевыг олимпын эрхийн тэмцээнд оруулсангүй
М.Сугар-Эрдэнэ
1 
ОУОХ-ноос “Орос Танк” хэмээх алдарт Абдулрашид Садулаевыг Азербайжаны Бакуд хэдхэн өдрийн дараа эхлэх олимпын эрхийн тэмцээнд оролцуулахгүй байх шийдвэр гаргажээ.
ОХУ-ын Спорт бөхийн холбооны тэргүүн Михаил Мамиашвили энэ талаар “ОУОХ-ноос манай тамирчдыг дахин шалгаж, мөрдсөний эцэст олон улсын тэмцээнд оролцох эрхгүй тамирчдын жагсаалтыг дахин гаргажээ. Харамсалтай нь тэдний дунд манай шигшээ багийн ахлагч, олимпын хошой аварга Абдулрашид Садулаев орсон байна. Садулаев Бакуд очсон ч тэмцээнд оролцож чадахгүй боллоо. ДБНХ-ноос маш шуурхай мэдээлж, сэлгээ хийх боломж олгосны ачаар бид Алихан Жабраиловыг барилдуулах боллоо. Энэ бол ОУОХ-ны шийдвэр. Дэлхийн бөхийн нэгдсэн холбоо эсрэгээрээ Садулаевыг барилдуулах сонирхолтой байсан юм. Одоогийн байдлаар манай баг спортын зарчмаар олимпын эрх авах даалгавартай байна. Дараа нь сайн хэлэлцсэний дүнд Парис олимпод оролцох эсэхээ шийднэ” гэж сэтгүүлчдэд мэдээллээ.
Өмнө нь Садулаевыг Шенгений визтэй байхад нь Румынд оруулалгүй, Европын АШТ-д оролцох боломжийг нь хаасан билээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
У.Чинзориг
О.Анхзаяа