1 мин

Аня Тейлор-Жой хоёр жилийн өмнө нууцаар хуримласнаа албан ёсоор зарлажээ

Ub.life 2024.04.05 2 1 1

"Queen's Gambit" киногоороо үзэгчдэд танигдсан жүжигчин Аня Тейлор-Жой 2022 онд найз залуу Малколм МакРэйтэйгээ нууцаар гэрлэсэн гэдгээ батлан инстаграмдаа пост оруулжээ. Тэрбээр уг постдоо "Би хоёр жилийн өмнө 4 сарын 1-ний энэ өдөр хамгийн сайн найзтайгаа нууцаар хуримаа хийсэн. Тэр өдрийн ид шид эд эс бүрд минь үүрд шингэжээ" хэмээн бичжээ. 

View this post on Instagram

A post shared by Anya Taylor-Joy (@anyataylorjoy)

Тейлор-Жой цус сорогчийн өнгө аясыг харуулсан өвөрмөц хурим хийснийг түүний саяхан цацсан зургуудаас харж болох аж. Тэр бүү хэл хуримын бялуу нь яг жинхэнэ мэт харагдах хүний зүрхтэй төстэй байжээ. 

Энэхүү нууц хуримд Загвар өмсөгч Кара Делевинь, гэрэл зурагчин Себастьян Фаена зэрэг цөөн тооны хүмүүс уригдсан бөгөөд Dior Тейлор-Жойгийн хуримын даашинзыг урласан байна. 

Жүжигчин Тейлор-Жой 2020 онд Нетфликийн "The Queen's Gambit" цувралд тоглон олны хараанд өртсөнөөс хойш "Last Night in Soho", "The Super Mario", "Dune: Part Two" зэрэг томоохон бүтээлүүдэд тоглоод байгаа билээ. Ирэх сард түүний тоглосон Furiosa: A Mad Max Saga дэлгэцнээ гарах юм. 

Эх сурвалж: BBC

Ub.life 2024.04.05