1 мин

Дайныг дэмжсэн орос жүдочдыг олимпоос хасахыг шаардлаа

М.Сугар-Эрдэнэ 2024.04.19

Украины ҮОХ-ны тэргүүн Вадим Гутцайт, Залуучууд, спортын сайдын үүрэг гүйцэтгэгч Матвей Бидный, Жүдо бөхийн холбооны ерөнхийлөгч Михаил Кошляк нар ОУОХ-ны тэргүүн Томас Бах, Олон улсын жүдо бөхийн холбооны ерөнхийлөгч Мариус Визер нарт хандан, Украины эсрэг дайныг дэмжиж байгаа орос жүдочдыг Парисын олимпод оролцуулахгүй байхыг шаардлаа. 

Дайныг дэмжсэн жүдочдын тоонд Мадина Таймазова, Инал Тасоев, Яго Абуладзе, Арман Адамян, Данил Лаврентьев, Махмадбек Махмадбеков, Михайло Игольников, Арман Адамян, Матвей Каниковский, Инал Тасоев, Темерлан Башаев, Глафира Борисова, Ксения Галицкая, Дали Лилуашвили, Камила Бадурова, Мадина Таймазова, Элис Старцева, Рамазан Абдулаев нар багтжээ. 

Шаардах бичигт эдгээр тамирчдын зарим нь 2022 оны 12 дугаар сард Грозный хотод болсон “В.Путины 70 насны ойд зориулсан тэмцээн”-д оролцсон гэж бичсэн байна. Энэ тэмцээний нээлт дээр Z үсэг болон Путины дүрстэй хувцас өмссөн хүүхдүүд гарч ирсэн гэжээ. 

Мадина Таймазова В.Путины зурагт хуудасны өмнө зургаа авхуулсан. Мөн 2022 оны дөрөвдүгээр сард Донбассын залуу жүдочдод зориулсан мастер-класс хэмээх улс төрийн арга хэмжээнд оролцсон нь батлагдсан. Энэ сургалтад оролцсон хүүхдүүд Украинаас хууль бусаар ОХУ-д аваачсан хүүхдүүд байсан гэсэн байна. 

М.Сугар-Эрдэнэ 2024.04.19