1 мин
Б.Баасанхүү, Б.Эрхэмбаяр, Л.Энхрийлэн нар Азийн АШТ-д финалдлаа
Жүдо бөхийн Азийн АШТ 4-р сарын 20-22-ний өдрүүдээр Хонгконгд явагдаж байна. Тус тэмцээнд 36 улсын 272 бөх зодоглох юм. Монголоос 18 бөх эл тэмцээний татамид хүч сорино.
Өнөөдөр хөнгөн жингийн барилдаанууд явагдлаа. Монголын бөхчүүдээс 48 кг-д Б.Баасанхүү, 66 кг-д Б.Эрхэмбаяр, 57 кг-д Л.Энхрийлэн нар учраа бөхчүүдээ дараалан ялж, алтан медалийн төлөө барилдахаар шалгарав.
Мөн 60 кг-д Б.Цогт-Очир, 52 кг-д Л.Сосорбарам, 57 кг-д М.Ичинхорлоо нар хүрэл медалийн төлөө өрсөлдөхөөр боллоо. Медалийн төлөөх шигшээ барилдаанууд 16:00 цагаас эхэлнэ.