1 мин

Л.Энхрийлэн жүдо бөхийн Азийн АШТ-д түрүүллээ

У.Чинзориг 2024.04.20 1 1

Жүдо бөхийн Азийн АШТ 4-р сарын 20-22-ний өдрүүдээр Хонгконгд зохион байгуулагдаж байна. Өнөөдөр хөнгөн жингийн барилдаанууд явагдлаа.

Монголын бөхчүүдээс 57 кг-ын жинд зодоглосон ДАШТ-ий хошой хүрэл медальт Л.Энхрийлэн алтан медаль хүртэв. Тэрбээр финалын барилдаанд Өмнөд Солонгосын Хух Мимиг торгуулиар ялж, Азийн аваргад анх удаагаа түрүүлсэн юм.

Сонирхолтой нь, Л.Энхрийлэн хоёр дэлхийн аваргад дараалан хүрлийн төлөө Хух Мимитэй барилдаж, хоёуланд нь ялж байв. Харин энэ удаад түүнийг гурав дахиа ялснаар Азийн аваргад түрүүлж байна.

Эл жинд зодоглосон М.Ичинхорлоо хүрэл медалийн төлөө барилдсан ч, 2022 оны Азийн АШТ-ий үзүүр бөх Цай Чи-д ялагдсан юм.

Ийнхүү жүдо бөхийн Азийн АШТ-ий эхний өдөр зодоглосон Монголын бөхчүүдээс Б.Баасанхүү, Б.Эрхэмбаяр, Л.Энхрийлэн нар түрүүлж, Б.Цогт-Очир, Л.Сосорбарам нар хүрэл медаль хүртлээ.

У.Чинзориг 2024.04.20