1 мин

Б.Мөнх-Эрдэнэ, Б.Бадамдорж нар сонгомол бөхийн төрлөөр "Парис-2024" олимпын эрхийн тэмцээнд зодоглоно

У.Чинзориг 2024.04.26

Чөлөөт бөх болон сонгомол бөхийн төрлөөр "Парис-2024" олимпын эрх олгох сүүлчийн тэмцээн тавдугаар сарын 9-12-ний өдрүүдээр Туркийн Истанбул хотноо явагдана. Эл тэмцээнд тивээсээ эрх авч чадаагүй улс орнууд өрсөлдөх учиртай.

Уг чухал өрсөлдөөнд сонгомол бөхийн төрлөөр Монголын хоёр тамирчин зодоглоно.

Тодруулбал, 60 кг-ын жинд Батхуягийн Мөнх-Эрдэнэ, 97 кг-д Балтмөнхийн Бадамдорж нар барилдах юм.

Б.Мөнх-Эрдэнийн хувьд, энэ сард явагдсан олимпын эрхийн тэмцээнд чөлөөт бөхийн төрлөөр зодоглож, зорилгодоо хүрэхээс ганцхан давааны наана ялагдсан билээ. Харин Б.Бадамдорж сонгомол бөхийн Азийн АШТ-д барилдаж, мөн л медальд хүрэхээс нэг алхмын наана ялагдснаар V байрт шалгарсан юм.