2 мин

BEAUTY LIFE | Өсвөр насныхны арьс арчилгаа

Э.Намуун 2020.05.20 3 1

44

Өсвөр насныхан илүү батгаших хандлагатай байдаг. Дааврын солилцоонд орж байгаа учраас тослогийн булчирхайг илүү ялгаруулдагтай энэ нь холбоотой. Хүний залуу байгаагийн нэг шинж нь тослогийн булчирхайн ажиллагаа юм. Хөгшрөх тусам тослогийн булчирхай ажиллахаа больж, арьс хуурайшдаг. Батгатай арьсыг энгийн арьснаас хоёр дахин илүү арчлах шаардлагатайг сануулъя.

Энэхүү булангаа нүүр хувиргагч Г.Нарангэрэлтэй (Каталяа) хамтран бэлтгэж байгаа билээ.

Батгатай арьсыг арчлахад туслах 8 зөвлөгөө

Энгийн арьсыг 14 хоногт арчлахад нөхөн төлждөг бол батгатай арьс 28 хоногт төлжиж, сэргэдэг.

Удаан хугацаанд буюу олон жилийн турш батга гарсан бол 14 хоногт 1-2 удаа заавал мэргэжлийн гоо сайхны салонд очиж, цэвэрлүүлэхийг зөвлөе. Арьсны гүнд бохирдол үүссэн байдаг учраас зайлшгүй цэвэрлүүлж, гүний бохирдлоо арилгуулаарай.

Өсвөр насныхан буруу бүтээгдэхүүн хэрэглэх болон арьсаа дутуу цэвэрлэснээс болж батгаших тохиолдол элбэг. Арьсаа өмнөх дугаарт дурдсаны дагуу цэвэрлэнэ. Энд дарж уншина уу.

Батгатай арьсанд усан суурьтай бүтээгдэхүүн хамгийн тохиромжтой. Ямар ч тохиолдолд тосон бүтэцтэй бүтээгдэхүүн хэрэглэж болохгүй. Усан суурьтай бүтээгдэхүүн хэрэглэж, чийгшил өгч байж тосны балансыг тэнцвэржүүлнэ.

Нимбэг болон бэрсүүт жүржийн орцтой бүтээгдэхүүн хэрэглэвэл тосны булчирхайн хэт ялгарлыг зохицуулж өгдөг онцлогтой.

Гэрийнхнээсээ тусдаа алчуур хэрэглэж, орой бүр угааж, ариутгаарай. Дэрний уутаа ч солих хэрэгтэй. Тос ялгарч, бохирдуулсан дэрний уут цэвэрхэн нүүрэнд бактер үүсэх нөхцөл бүрдүүлдэг байна. Тиймээс өдөр бүр дэрний уутаа сольж, угааж индүүдэн хэрэглээрэй.

Батгатай арьсыг гэрийн нөхцөлд нимбэгний хальсаар арчих, жамц давстай ширгээсэн усыг хөвөнд шингээж арчих боломжтой.

•Нэг литр усыг 100 гр болтол ширгээгээд нэг цайны халбага жамц давс хийж, уусгасны дараа арьсаа арчаарай. Эхний удаа арьс маш их хорсдог. Үүнийг 14 хоногт нэг удаа л хэрэгжүүлэхэд хангалттай.
•Нимбэгний хальсаар арчих бол хоёр хоногт нэг удаа байвал тохиромжтой. Зарим хүмүүс шүүсээр нь арчаад арьсаа түлэх гээд байдаг тул болгоомжлоорой. Дан хальс нь байхад л болно.  

С витамин арьсны пигментийг задалдаг болохоор батгашиж, нөсөө толбо, сорвижсон арьсны бүтцийг задалж өгөх чадвартай. Тиймээс С витаминтай серумыг хэрэглэхийг зөвлөж байна.

Энэ дугаарын фото модел: @sansarkhuu_

 

Э.Намуун 2020.05.20

44