Сэтгэл түгшилттэй байна гэдэг үргэлж тэсрэх бөмбөг биедээ авч явж байгаа мэт хэцүү мэдрэмж билээ. Хэдийгээр аюулд орсон үед ямар нэг зүйлээс түгших, айх нь хэвийн мэдрэмж ч гэлээ энгийн үед эдгээр мэдрэмжүүд нь мэдрэгдсээр байвал та сэтгэл түгших эмгэгтэй байж болзошгүй юм. Иймд танд тус болох үүднээс дараах нийтлэлийг бэлтгэлээ.
Хэрэв та үнэхээр өөрөө хүчрэхгүй бол мэргэжлийн сэтгэл зүйч, сэтгэл засалчид хандах нь хамгийн зөв сонголт юм шүү.
Илэрч болох шинж тэмдгүүд:
Унтсан ч унтаагүй мэт байх
Унтахаар хэвтсэн ч сэрүүн байсаар байх
Сэтгэл хөдлөлдөө хэт автах, удирдаж чадахгүй байх
Төвлөрч чадахгүй байх
Аливаа шийдвэрийг гаргахад үргэлж эргэлзээтэй тулгарах
Цочимтгой болох
Хүмүүсийг өөрөөсөө түлхэх
Санаа зовнил ихсэх
Хяналтаас бүх зүйл гарсан мэт мэдрэмж төрөх
Нэг газраа гацчихсан мэт санагдах
Байнга булчингуудаа чангалах Бодолдоо автах
Шалтгаангүй зүйлээс айх, түгшүүр мэдрэх
Үргэлж ямар нэг зүйл ойртож байгаа мэт, тохиолдох гэж байгаа мэт мэдрэмжийг мэдрэх
Нэг нөхцөл байдалд дахин дахин орж байгаа мэт санагдах
Сонсгол болон хүртэхүйн хувьд эмзэг болох
Биеэсээ гараад явчихмаар болж бачимдах
АНУ-д явуулсан судалгаагаар насанд хүрэгчдийн 2.7 хувьд нь уг эмгэг илэрсэн бөгөөд эмэгтэйчүүд эрэгтэйчүүдээс хоёр дахин их эмгэгт хамрагдах магадлалтай байдаг аж. Хэрвээ танд ч бас дээрх шинж тэмдгүүдээс 3-аас их нь хоёр долоо хоногоос илүү хугацаанд илэрч байгаа бол мэргэжлийн сэтгэл зүйчид хандахыг Олон улсын Сэтгэл судлалын хүрээлэнгээс зөвлөжээ.
Яах вэ?
Стресс багасгах, нойрны хэмийг тогтворжуулах, дархлаагаа дэмжих, амин дэмээр баялаг хоол хүнс хэрэглэх, бясалгал хийх гэх мэт дараах энгийн аргуудыг та хэрэгжүүлж болох юм.
Эрүүл бус тайвшруулах аргуудаас зайлсхийх.
Согтууруулах ундаа, донтуулах төрлийн бодис, тамхи, утаат бүтээгдэхүүн нь богино хугацаанд биеийг хүчээр тайвшруулдаг ч удалгүй хор хөнөөл нь мэдрэгдэж, сэтгэлээр унах шалтгаан болдог.
Эрүүл хооллох.
Биедээ эрүүл хоол хүнс авах нь цусны эргэлтийг сайжруулж, бие сэтгэлийг сэргээхэд нөлөөлдөг.
Тайвшруулах эрүүл аргуудыг хэрэгжүүлэх.
Бясалгал, амьсгалын дасгал хийх нь ухаан санааг тайтгаруулах болно.
Каффейний хэмжээг багасгах.
Кофе уухаас татгалзаж оронд нь ногоон цай, цэвэр жимсний шүүс уугаарай. Каффейний хэрэглээ нэмэгдэхэд зүрхний ачаалал нэмэгдэж, нойргүйдэх, ядаргаанд амархан ороход нөлөөлдөг байна.
