Мюнхенээс гараагаа эхэлж Германы хотуудыг дамнан нэг сарын туршид явагдах буудлагын Бундеслигт Үндэсний шигшээ багийн тамирчин Э.Даваахүү цэц сорино. Тэрбээр “HSG Munich” багийн эгнээнд нэгдээд буй.
2022 оны ДАШТ-ээс 50 метрийн гар бууны холимог төрөлд мөнгөн медаль хүртсэн Э.Даваахүү Бундеслигийн хийн гар бууны 10, 25 метрийн дасгалд өрсөлдөх юм.
Тэрбээр 2020, 2024 оны олимпын наадмуудад эх орноо төлөөлж оролцсон Монголын гарамгай буучдын түүчээ билээ.