Энэ сарын 26-нд Абу-Дабид холимог тулааны UFC 308 тэмцээн явагдана. Тэмцээний гол тулаанд нь Чеченийн нэг ч ялагдалгүй тамирчин Хамзат Чимаев холбооны аварга асан Роберт Уиттакертай үзэлцэх юм.
Хамзат сүүлийн нэг жил тун азгүй байгаа. Өнгөрсөн намар Камару Усманыг арай ядан ялсан нь өмнөх ялагдашгүй баатар залуугийн нэр хүндийг ихэд унагасан билээ. Олон нийтийн сүлжээгээр холбооны алдартнуудыг халз тулаанд дуудсаар байсан ч Америкийн визгүй нь илэрч, Арабт болдог тэмцээнд л ордог болсон. SMASH хэмээх криптовалютийн худалдаанд ороод хамаг мөнгөө алдсан. Дасгалжуулагч, менежертэй хэт итгээд ийм байдалд орлоо гэж Чимаев үзэж байгаа юм. Ингээд дасгалжуулагчийн багаа сольсон байна.
Юуны өмнө чөлөөт бөхийн ЗХУ-ын гавьяат дасгалжуулагч Салим Нуцалхановыг авч ирлээ. Салим бол олимпын 3 удаагийн аварга Бувайсар Сайтиевтай ажиллаж байсан хүн. Мөн Парисын олимпын чөлөөт бөхийн шинэ аварга, Узбекистаны Разамбек Жамаловыг урьжээ.
Разамбек Абу-Дабид ирээд бэлтгэл хангагч хийж байна. Чимаев “Олимпын шинэ аваргатай бэлтгэл хийлээ. Энэ мастераас сурах зүйл их байна. Разамбек бидэнд дархан мэхнүүдэсээ зааж өгсөн. Тулаанд тун хэрэг болох нь дамжиггүй” гэж бичжээ.