Их хотын гудамж, талбай шинэхэн орсон сэвсгэр цасанд хучигдан өвлийн улирал хэдийн хаалга тогшжээ. Хүйтэн өвлөөс дулаан мэдрэмж авдаг, өвөлд дуртай нэгний л ойлгох мэдрэмжүүдийг танд хүргэе.
1. Анхны цас орох үед тэнгэр өөд ширтэн зогсох тэр нэгэн догдлол, хөөрөл
2. Хаалгаа онгойлгоход сэвших хүйтэн агаар уушгинд тань орж ирэх сэнгэнэсэн мэдрэмж
3. Хэдий даарсан ч эцэст нь дулаан газар ороод хацар тань халуу шатан жирвэгэнэх мөч.
4. Шинэхэн орсон сэвсгэр цасанд хот бүхэлдээ хучигдаж, цав цагаанаар будагдсан байгаа нь хэчнээн сэтгэл сэргээм гээч.
5. Цагаахан цасан дээр зөөлөн гишгэж, гутлын мөрөө тодхон тэмдэглэн үлдээх нь өвлийг илүү ид шидийн болгодог.
6. Амралтын өдөр цонхоор цас будрахыг харангаа дулаан хөнжилдөө шигдэн хэвтэх мэдрэмжийг юутай ч зүйрлэшгүй
7. Өвлийн гайхамшиг хотыг бүхэлд нь эзэмдэж, барилга байшин, гудамж талбай гацуур мод, гоёмсог гэрлэн чимэглэлээр дүүрэх тэр мөч.
8. Нарны цацраг цасан ширхэг дээр тусан нүд гялбуулан гялтганах нь сэтгэл дулаацуулна.
9. Хайртай дотны хүмүүстэйгээ цасан хүн хийж, хөгжилдөн тоглож болох ганц улирал.
10. Хэзээ ч уйдамгүй дурсамж дүүрэн шинэ жилийн кинонуудаа дахин үзэх мэдрэмж.