ОХУ-ын М.В.Ломоносовын нэрэмжит Шаазан ваарын үйлдвэрийн 1939 онд Засгийн газрын захиалгаар үйлдвэрлэсэн айргийн ваарыг алдарт Эрмитаж музей цуглуулгадаа авч, үзмэртээ нэмжээ. Энэхүү ваарыг БНМАУ-ын нам, засгийн удирдагчдад бэлэглэхээр захиалсан байна.
Тухайн үйлдвэрийн шилдэг барималч Серафима Яковлева загварыг гаргаж, чимэглэлийг зураач Иван Ризнич гүйцэтгэжээ. 1939 онд 50 айргийн ваар үйлдвэрлэсэн ч одоо бараг үлдээгүй гэнэ.
Ваарын гол хэсэг тэмээ, үхэр, хонь, адууны зурагтай, захыг нь цэцэг, навчны хээгээр гоёж, социалист Монголын ирээдүйг бэлгэдэн, улаан таван хошуу тэмдэг зурсан байна.