Одоогоос 40 жилийн өмнө буюу 1984 онд домогт Терминатор кино нээлтээ хийж байлаа. Тэгш ойг нь тохиолдуулан, тус киноны оддыг хаана, юу хийж байгааг нь танилцуулья.
Арнольд Шварценеггер / Терминатор
Шварценеггер Терминаторт тоглохоосоо өмнө “Конан-варвар” киноны гол дүрд тоглочихсон, Stay Hungry бүтээлээрээ Алтан бөмбөрцөг шаннал авсан жүжигчин байлаа. Гэхдээ найруулагч Терминаторын дүрд түүнийг биш Лэнс Хенриксенийг тоглуулах гэж байсан гэдэг. “Терминатор”-ын дараа Шварценеггер супер од болон хувирсан. 2003-2011 онд Калифорнийн амбан захирагчаар ажиллаж байсан. Одоо тэрээр 77 настай, хөдөө адуу малтай, амгалан тайван амьдарч байгаа юм.
Майкл Бин / Кайл Риз
“Терминатор”-оос өмнө Бин моделиор ажиллаж, жүжигчний замналаа дөнгөж эхлүүлээд байлаа. Энэ киногоор тэр Камеронтой дотно болж, уригдах болсон юм. 68 настай ч ажлаа хийсээр байна.
Линда Хэмилтон / Сара Коннор
Линда энэ киногоор алдаршсан төдийгүй найруулагч Кэмеронтой гэрлэсэн юм. Харамсалтай нь тэд 2 жил болоод салж, Линда охинтой болоод үлдсэн билээ. Тэр дахин гэрлээгүй. 2000 оны үеэс сэтгэл зүйн асуудалтай болсон ч одоо эрүүл болсон. 68 настай.
Пол Уинфилд / цагдаа Эд Трэкслер
Терминатор киноны сонгон шалгаруулалтад ирэхдээ Пол Уинфилд олон кинонд тоглосон хашир туршлагатай жүжигчин байлаа.1990-өөд оны сүүлээр чихрийн шижин өвчний улмаас олны өмнө харагдахаа байсан. Хайртай хүн алдаж, таргалан, стресст орсоор 2004 онд 64 настайдаа нас баржээ.
Лэнс Хенриксен / детектив Хэл Вукович
Дээр дурдсанаар Лэнс Терминаторын дүрд тоглох ёстой байлаа. Зураг авалтын багийн хамгийн алдартай нь байсан тэрээр мөрдөгчийн дүрийг бүтээсэн. Одоо 84 настай түүнийг бүгд эелдаг зөөлөн хүн гэж тодорхойлдог ч кинонд ихэнхдээ сөрөг дүрд тоглосон.
Эрл Боэн / доктор Питер Зильберман
Эрл Боэн бол Арнигаас гадна Терминаторын гурван ангид тоглосон цорын ганц хүн. Гэхдээ жүжигчний замнал нь ахицтай яваагүй, харин дуу оруулалтаар амжилт олсон. Бэтмен, аалз хүн хүүхэлдэйн кинонд ажилласан. 2022 онд хорт хавдартай нь мэдэгдэж, 81 насандаа амьсгал хураажээ.
Рик Россович / Сара Коннорын хөрш Мэтт Бьюкенан
Рик Россович Кэмероны урилгаар Терминаторт тоглосон ч нэр алдар ирсэнгүй. 67 настай тэрээр сүүлийн жилүүдэд бараг кионд тоглоогүй.
Дик Миллер / зэвсгийн дэлгүүрийн худалдагч
Орос гаралтай Дик Терминаторын дараа Квентин Тарантиногийн Pulp Fiction-д уригдсан. 2019 онд 90 настайдаа ертөнцийн мөнх бусыг үзүүлсэн.
Жеймс Кэмерон / найруулагч
Терминатор кино түүний дээш гарах шат болж өгсөн. Одоо тэр 70 настай.
