Африкийн Судан улсад 2023 оноос эхлэн иргэний дайн болж байна. Суданы Зэвсэгт хүчин, Суданы тусгай хүчнийхний хооронд болж байгаа дайнд энгийн иргэд үрэгдсээр.
НҮБ-ын мэдээлснээр энэ дайны улмаас хүмүүнлэгийн аюул тулгарч, жирийн иргэдийг хоморголон устгах, бөөнөөр нь хүчирхийлэх явдал гаарч байгаа гэнэ. Одоо Суданд аюулгүй, амар тайван газар гэж байхгүй болжээ.
Нигерийн News Central сонин “Суданы шуурхай хариу арга хэмжээ авах хүчнийхний цэргүүдэд хүчирхийлүүлэхгүйн тулд 130 судан эмэгтэй хамтдаа бөөнөөрөө амиа хорлолоо. Хүний эрхийг хамгаалагч Хала Аль-Карибын хэлснээр энэ бол ил гарсан тохиолдол гэнэ. Харин далд маш олон судан эмэгтэй амиа хорлож байгааг тооцоолох арга байхгүй байна” гэж бичлээ.
Хохирогч эмэгтэйчүүд 8-75 насны эмэгтэйчүүд байсан байна.
Аль-Кариб “Бидний бие дайны зэвсэг болоод байна. Бүлэглэн хүчиндэх, хүчирхийлэх, яргалан тамлах зовлонд өртсөн олон судан эмэгтэй амиа хорлосоор байна. Тэднийг боолчлолд оруулж, мал мэт худалдан борлуулдаг болсон” гэж онцолжээ.
