Аргентинчүүд нийслэл Буэнос-Айрес хотноо ДАШТ-ий урьдчилсан шатны тоглолтод Перугийн багийг 1:0-ээр хожив. Энэхүү тоглолтод гоолдсоноор Лаутаро Мартинес Аргентиний шигшээ багийн бүх цаг үеийн шилдэг мэргэн буучдын тавдугаар байрт Диего Марадонагийн хамтаар бичигдэх боллоо.
Тэд эн тэнцүү 32 гоолыг шигшээ багтаа оруулаад байна.
Аргентиний шигшээ багийн бүх цаг үеийн шилдэг мэргэн буучдын жагсаалтыг Месси 112 гоолтойгоор тэргүүлж буй. Харин 27 настай Мартинесийн өмнө өдгөө Мессигээс гадна Габриэль Батистута, Серхио Агуэро, Эрнан Креспо нар эрэмблэгдэж байна.
Перутай хийсэн тоглолтод Мартинест гоолын дамжуулалт өгсөн өдгөө 37 настай “Интер Майами”-гийн довтлогч Мессигийн хувьд 2024 оны сүүлчийн тоглолтодоо ялалт байгуулав.
Тэрбээр Америк довтлогч Лэндон Доновангийн хамтаар шигшээ багийн тоглолтод хамгийн олон гоолын дамжуулалт бүртгүүлсэн тоглогчдын жагсаалтыг тэргүүлж байна. Тэд өдгөө 58 гоолын дамжуулалтыг шигшээ багийн тоглолтод дархлаад буй.
Өмнөд Америкийн бүс нутаг дахь ДАШТ-ий урьдчилсан шатны тэмцээн өндөрлөхөд зургаан тойрог үлдээд байна. Аргентинчүүд бүс нутгийнхнаа одоогоор таван онооны зөрүүтэй тэргүүлж буй.
