“АНУ-ын бөхийн холбооноос RUDIS компанитай олон жилийн түншлэлийн гэрээ байгууллаа” гэж Themat.com мэдээллээ. Гэрээ ёсоор тус компани дөрвөн жилийн турш шигшээ багийг хувцас, хэрэглэлээр хангах юм.
RUDIS 2013 онд байгуулагдсан. Огайо мужийн Мэрисвилл хотод байрладаг. RUDIS гэдэг нь латин хэлний “Эртний бэлтгэлийн илд” гэсэн утгатай бөгөөд бөхчүүдийг шаргуу бэлтгэл хийж, дэвжээн дээр ялалт байгуулахыг бэлгэджээ. Тус компанийн элч төлөөлөгч нарын дунд Кайл Снайдер, Жордан Барроуз, Амит Элор, Сара Хильдебрандт, Спенсер Ли, Зейн Резерфорд, Кайла Миракл, Кеннеди Блейдс нарын шилдэг америк бөхчүүд бий. Тэд бүгд шинэ загварын борцовк, өмсгөл бүтээх, боловсруулахад гар бие оролцдог юм.
Энэ брэндийн борцовкийг Кайл Снайдер 2021 онд Дагестанд айлчлахдаа Абдулрашид Садулаев, Хажимурат Гацалов нарт бэлэглэж байлаа. Кайл “АНУ-ын бөхийн холбоо, RUDIS компани түнш байхаар заяагдсан. Өнөөдөр түүхэн өдөр” гэж сэтгүүлчдэд ярьсан байна.
