2018 оны дэлхийн аварга, “Токио-2020” олимпын наадмын үзүүр бөх Саид Моллай Парисын олимпыг өнжсөн билээ. Сүүлийн үед чимээгүй байсан тэрбээр Гүржид явагдаж буй пара жүдо бөхийн Дэлхийн цомын тэмцээнд ажиллаж байна.
Моллай пара жүдо бөхийн холбоо болон олон улсын жүдо бөхийн холбооны хамтарсан ажлын хэсэгт гишүүнээр элсжээ.
“Би шинэ ажлынхаа шаардлагаар Гүржид ирсэн. Өдгөө миний хувьд Германд амьдарч байгаа. Жүдо бөх бол миний амьдрал. Би жүдогийн хамт олонтой ажиллах дуртай, ялангуяа залуучуудтай. Миний зүгээс залуустай мэддэг зүйлсээ хуваалцах дуртай байдаг, тэд ч гэсэн суралцахдаа таатай ханддаг. Хэдий тогтмол ажил биш ч гэлээ, би Германы пара жүдогийн багийнхантай хамтарч ажилладаг юм. Тэдэнд туслах гэж л энэ шүү дээ. Энэ удаагийнх миний шинэ ажлын анхны арга хэмжээ болж байна. Миний бие пара жүдог дараагийн шатанд хүргэхийн тулд хичээн зүтгэх сэн гэж догдолж байна. Одоохондоо бол суралцах, ойлгох, таних гэсэн эхний алхмаа хэрэгжүүлж байгаа. Удахгүй өөрийн мэдлэг, туршлагтаа тулгуурлаад пара жүдо бөхийн хөгжилд шинэ эринийг эхлүүлнэ гэж итгэдэг” хэмээн тэрбээр ярьсан байна.
2025 он бол Моллайн хувьд эргэлтийн цэг л гэсэн үг. Тэрбээр Германы шигшээ багт нэгдэх үү, эсвэл зодог тайлах уу гэдгээ удахгүй шийдэх юм.
