Дэлхий дахинд дийлэн ноёрхож байгаа к-поп хөгжим. Эрчтэй дуу хөгжим, бүжиг, царайлаг залуус, хөөрхөн охид гээд хаана ч очсон хүндтэй зочин. Харин ах дүү Хойд Солонгостоо тэд цөөхөн очсон байдаг. Хоёр Солонгосын харилцаа нэг хүйтэрч, дулаарсаар өдийг хүрсэн ч Пхеньянд очсон к-поп хамтлаг тун цөөхөн.
Fin.K.L
Fin.K.L бол хоёр системийн ханыг давж, хамгийн анх Хойд Солонгост тоглосон хамтлаг. 199 онд тэд Пхеньянд “Peace Friendship Music Concert” концертод оролцож, “To My Prince” дуугаа толилуулсан.
Sechskies
Алдарт “Sechskies” ч мөн 1999 онд “Peace Friendship Music Concert”-д уран бүтээлээ толилуулсан. Тэд “Hunch” хит дуугаа дуулсан ч Хойд Солонгосын үзэгчдийн хүндэтгээд бүжгээ тун даруухан болгосон гэдэг.
Baby V.O.X
2003 онд Baby V.O.X хамтлаг Хойд Солонгост тоглосон хоёр дахь охидын хамтлаг болсон. “Ryugyong Jong Ju Yong Gymnasium” ордонд тэд “By Chance” дуугаа дуулсан. Гэвч тэдний энэ тоглолт шүүмжлэлийн бай болсон билээ.
Shinhwa
К-Поп хөгжмийн түүхэнд хамгийн удаан оршин тогтносон эрэгтэй хамтлаг гэдгээрээ алдартай “Shinhwa” 2003 онд Хойд хөршдөө очсон. “Perfect Man” хит дуу, хурц тод бүжиг нь Хойд Солонгосын үзэгчдийг байлдан дагуулсан.
Red Velvet
Алдарт “Red Velvet” хамтлаг 2018 онд Пхеньяанд тоглосон билээ. Өмнөд Солонгосын янз бүрийн жүжигчид, дуучдын оролцсон “Spring Is Coming” тоглолтод тус хамтлаг “Red Flavor”, “Bad Boy” дуунуудаа танилцуулсан юм.
