UBLife Logo
Дэлхий

Forbes: Тэрбум давсан хөрөнгөтэй 18 алдартныг нэрлэлээ

Forbes: Тэрбум давсан хөрөнгөтэй 18 алдартныг нэрлэлээ

АНУ-ын Forbes USA сэтгүүлээс 39 дэх удаагаа дэлхийн тэрбумтнуудын чансааг гаргалаа. Энэ жил тэрбумтнуудын жагсаалтад 3028 хүн багтсан нь түүхэн амжилт байлаа. Энэхүү эрхмүүд дотор олны танил алдартан 18 хүн багтжээ.

Алдартнуудаас хамгийн баянаар найруулагч Стивен Спилберг 5.3 тэрбум ам.долларын хөрөнгөтэйгөөр тодорсон байна. Индиана Жонс, Юрийн галавын цэцэрлэг зэрэг алдарт кинонуудаас гадна тэрээр Universal хүрээлэнгийн тасалбар борлуулалтаас 2 хувийн ашиг хүртдэг.

Оддын дайны найруулагч Жорж Лукас 5.1 тэрбумаар хоёрдугаар байрт орлоо. Цувралын анхны кино гарснаас хойш 50 жил өнгөрсөн ч үзэгчдийн үзэх дуртай кино хэвээр байгаа. 2026 онд шинэ анги нь гарах болно. Гэхдээ Лукас энэ киноны эрхээ 2012 онд “Disney” “LucasFilm” компанийг авах үеэр зарчихсан билээ.

NBA-гийн домог Майкл Жорданы хөрөнгө 3.5 тэрбумаар үнэлэгдэж байна. Энэ хөрөнгийн ихэнхийг тэр алдар брэндүүдтэй хамтран ажиллаж, хураасан байна. Nike компани түүнд жил бүр 100 сая ам.долларыг роялти хэлбэрээр төлдөг.

Телевизийн хөтлөгч Опра Уинфри 3 тэрбумаар дөрөвт бичигдлээ. 1986-2011 он хүртэл үргэлжилсэн алдарт шоугаараа ихэнхийг нь олсон. Кинонд тоглосон. Хавай, Калифорнийд маш их хэмжээний газартай.

Мэргэжлийн бөхийн WWE холбооны Ерөнхий захирал асан Винс Макмехон тавд орлоо. Түүний хөрөнгө мөн л 3 тэрбум ам.доллар. Холбоогоо тэр 1982 онд байгуулж, 2023 онд WWE холбоог холимог тулааны UFC-тэй нэгтгэж, “TKO Group Holdings” байгуулсан. Хэсэг тэргүүлж байсан ч бэлгийн дарамтын хэргээр ажлаа өгөөд өөрийн хувийг зарсан юм.

Тэрбумын хөрөнгөтэй 18 алдартан

1, Стивен Спилберг – найруулагч, $5,3 тэрбум;

2, Жорж Лукас – найруулагч, $5,1 тэрбум;

3, Майкл Жордан – сагсан бөмбөг, $3,5 тэрбум;

4, Опра Уинфри – хөтлөгч, $3 тэрбум;

5, Винс Макмехон – мэргэжлийн бөх, $3 тэрбум;

6, Jay-Z – рэп дуучин, $2,5 тэрбум;

7, Ким Кардашьян – реалити шоу, $1,7 тэрбум;

8, Питер Жексон – найруулагч, $1,7 тэрбум;

9, Тейлор Свифт – дуучин, $1,6 тэрбум;

10, Мэжик Жонсон – сагсан бөмбөг, $1,5 тэрбум;

11, Тайлер Перри – жүжигчин, найруулагч, $1,4 тэрбум;

12, Тайгер Вудс – гольф, $1,4 тэрбум;

13, Рианна – дуучин, $1,4 тэрбум;

14, Леброн Жеймс – сагсан бөмбөг, $1,3 тэрбум;

15, Брюс Спрингстин – дуучин, $1,2 тэрбум;

16, Дик Вульф – продюсер, $1,2 тэрбум;

17, Арнольд Шварценеггер – жүжигчин, $1,1 тэрбум;

18, Жерри Сайнфелд – кино, $1,1 тэрбум.

ЭНЭ МЭДЭЭНД ӨГӨХ ТАНЫ СЭТГЭГДЭЛ?
1
0
0
0
0
0
0
0

СЭТГЭГДЭЛ БИЧИХ
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.