Хонконгод өнгөрсөн долоодугаар сард "миймний музей" нэртэй үзэсгэлэн нээгджээ. Тус үзэсгэлэнг Хонконгод төвтэй 9GAG вэб сайттай хамтран гаргаж байгаа бөгөөд дэлхий нийтэд хамгийн их тархсан, алдартай интернэт мийм, хошигнолуудыг харуулсан үндсэн долоон хэсгээс бүрдэж байгаа гэж K11 Art Mall's инстаграмд хуудсанд бичжээ.
Үзэгчид "цаг хугацааны хонгил"-оор орж телевизийн дэлгэцээр дамжуулан миймний түүхтэй танилцахын зэрэгцээ хялбархан арилгадаг шивээс хийлгэх, миймүүдийг хэвлүүлж авах, зургийн бүхээгт очиж өөрийнхөө миймийг хийх, 4D интерактив хэсгээр зочлох боломжтой аж. Түүнчлэн AR (Augmented Reality) үзэсгэлэнгийн хэсэгт очиж 2D миймүүдийг харж болох юм.
Зохион байгуулагчдын үзэж байгаагаар миймний музейн онцлох зүйлсийн нэг нь 9GAG сайтаас гаргасан NFT гэнэ. Сүүлийн үед NFT (Non-fungible token) буюу блокчэйнд суурилсан үл орлогдох, дахин давтагдашгүй дижитал бүтээл гэж нэрлэгдээд байгаа токенуудын үнэ огцом өсөж, түүнийг бүтээх, солилцох боломжтой платформын хэрэглээ эрчимтэй нэмэгдэж байгаа билээ. 9GAG сайт NFT миймний цуглуулгаа 25,000 доллараар худалдахаар дуудлага худалдаанд оруулжээ.
Үзэсгэлэн есдүгээр сарын 5 хүртэл K11 Art Mall-ийн хоёрдугаар давхарт дэлгэгдэх бөгөөд олон нийт үүнийг дэлхийн анхны миймний музей хэмээн нэрлэж байгаа гэнэ.
Эх сурвалж: Insider
