Хайх зүйлээ бичнэ үү

2 мин

2022 оны ТӨСӨВТ юу ШИНЭЧЛЭГДЭВ?


Монгол Улсын 2022 оны төсөв батлагдсантай холбогдуулан УИХ-ын дарга Г.Занданшатар үг хэлэхдээ "Ковид-19 цар тахлын дараах үеийн улс орны эдийн засгийг сэргээх, улс орноо эрчимт хөгжлийн замд шилжүүлэх томоохон зорилт тавигдаж байгаа" гэсэн нь ирэх онд тахлыг давсан байх эрмэлзлийг илтгэв. Тэрбээр түүнчлэн 2022 оны төсөв нь Монгол Улсын төсөв, мөнгөний бодлогод реформ хийхэд чухал алхам боллоо гэв. УИХ-ын дарга ирэх оны төсвийн талаар хэлснээс онцлох эшлэлүүдийг хүргэж байна. 

Бүтээн байгуулалтын тухайд:

-Дотоодын эдийн засгийг 3 дахин тэлэх томоохон төслүүдийг дэмжин, ажлын байрыг нэмэгдүүлнэ. 

-Ирэх онд 2.4 их наяд төгрөгийн хөрөнгө оруулахаас 1.7 их наядыг зам тээвэр, эрчим хүч, барилга, бүтээн байгуулалтын салбарт хийнэ. 

Төрийн зардлын тухайд:

-Төрийн үйлчилгээг цахимжуулж, бүх шатны байгууллагууд сургалт, семинарыг цахимаар зохион байгуулна. 

-Гадаад албан томилолт, зочин төлөөлөгч хүлээн авах, тавилга, эд хогшил, ном хэвлэл худалдан авах, болон хэвлүүлэх, сурталчилгаа хийх, бэлэг дурсгалын зүйлс бэлтгэх, биеийн тамирын уралдаан тэмцээн, салбарын болон байгууллагын тэмдэглэлт ой, баяр ёслолын арга хэмжээ зохион байгуулах, салбартай холбоотой киноны уран бүтээл хийх болон төрийн захиргааны төв байгууллагуудын тээвэр, шатахууны зардлыг санхүүжүүлэхгүй. 

-Бүх шатны төрийн байгууллагын бичиг хэргийн зардлыг 50 хувиар, Ковид-19 халдварт цар тахалтай тэмцэх чиг үүрэгтэйгээс бусад бүх шатны төрийн байгууллагын дотоод албан томилолтын зардлыг 50 хувь бууруулна. 

-Төр өөрөө гүйцэтгэх шаардлагагүй, хувийн хэвшил хэрэгжүүлэх боломжтой чиг үүргийг хувийн хэвшлээр гэрээний үндсэн дээр гүйцэтгүүлнэ.  

-Боловсрол, соёл урлаг, нийтийн биеийн тамирын байгууллагыг санхүүгийн хувьд хагас бие даалгаж, үр дүн, чанар, гүйцэтгэлд нь үндэслэн санхүүжүүлнэ.  

Нийгмийн халамжийн тухайд:

-Байгалийн баялгийн хүртээмжийг нэмэгдүүлж, санхүүгийн баталгаатай “Хуримтлалтай хүүхэд” хөтөлбөр хэрэгжүүлж, хүүхэд бүр Ирээдүйн өв сангаар баталгаажсан, сар бүр 100 мянган төгрөгөөр арвижих хуримтлалын данстай болно. 

-Хөдөлмөр эрхлэх чадвартай, орлого багатай иргэдийг халамжаас-хөдөлмөрт шилжүүлнэ. 

-Хүн амын өсөлтийг дэмжсэн, эрүүл мэндийн байдлыг харгалзан олгодог тусламж, дэмжлэгийг халамжаас тусгаарлаж, цаашид халамжаас зөвхөн нийгмийн даатгалаас тэтгэвэр авах эрх үүсээгүй ахмад настан, хөгжлийн бэрхшээлтэй хүн, хөгжлийн бэрхшээлтэй хүнийг асарч байгаагийн улмаас ажил хөдөлмөр эрхлэх боломжгүй гэр бүлийн гишүүд, түүнчлэн нэн ядуу болон нийгэмд бие даан амьдрах чадваргүй хүнийг халамжид хамруулна. 


Хамгийн их уншилттай
1
2021.11.02
Арваннэгдүгээр сарын чухал өдөр, ХАЙР ДУРЛАЛЫН зурхай
2
2021.11.01
Жокерын хувцастай этгээд Токиогийн метронд 17 хүнийг хутгалжээ
3
2021.11.05
Марк Цукерберг "Мета" гэх өөр компани байдгийг сая л мэджээ
холбоотой мэдээ
1
11 цагийн өмнө
Жижиг, дунд үйлдвэр, үйлчилгээ эрхлэгчдэд зориулсан хөнгөлөлттэй зээл олгож эхэллээ
2
2021.11.22
Авторын булан: Би мэдэхгүй буюу Зонхов төр барьж байна!
3
2021.11.17
Гашуун Сухайт-Ганцмод боомтын төмөр замыг эдийн засгийн эргэлтэд оруулах боломж нээгдлээ
санал болгох
1
7 цагийн өмнө
"Урлагтай яриа" медиа төсөл урлагийн шүүмж судлалын агуулгаар баяжин үзэгчдэд хүрч байна
2
10 цагийн өмнө
BLACKPINK хамтлаг Youtube-ийн түүхэн дэх хамгийн олон дагагчтай уран бүтээлч боллоо
3
12 цагийн өмнө
"Arcane" Netflix-ийн хамгийн өндөр үнэлгээтэй, хамгийн их хүн үзсэн цуврал болжээ

Энэ мэдээнд өгөх таны сэтгэгдэл?
0
0
0
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.