Омикрон вирус ДОХ-ын вирустэй хамт халдварлахгүй
"Коронавирусийн мутацид орсон, илүү хүнд хувилбар" хэмээн ДЭМБ-аас зарласан шинэ төрлийн Омикрон вирус Өмнөд Африк, Ботсвани, Зимбабве зэрэг улсад тархаад байна.
Шинэ төрлийн коронавирус буюу "ОМИКРОН"-ы тухай мэдвэл зохих БҮХ ЗҮЙЛ
Тэгвэл "Омикрон вирусийг тусвал давхар ДОХ тусна", "Омикрон нь ДОХ-ын вирусийг өөртөө агуулдаг" зэрэг мэдээлэл нь ХУДАЛ болохыг ДЭМБ болон УОК-ын мэдээлэл баталж байна.
Лондонгийн Их сургуулийн профессорын мэдэгдлээс дээрх төөрөгдөл үүдэлтэй бөгөөд сошиал хэрэглэгчид профессорын үгийн утгыг алдагдуулж, буруу ташаа утгаар сошиалд түгээжээ.
"Шинэ төрлийн Омикрон вирус нь дархлал тогтолцоог хүндээр гэмтээн дарангуйлж, дахин халдварлах өндөр магадлалтай вирус юм. ДОХ-ын халдвар авч, бүрэн эмчлэгдээгүй хүний дархлаа маш сул байдаг тул ДОХ-ын халдвартай хүн коронавирусээр өвчилж, улмаар мутацид орсон шинэ төрлийн Омикрон вирус үүссэн байх боломжтой тухай эрдэмтэд судалж байна"
(Лондонгийн Их сургуулийн профессор Франсуа Баллу, The Guardian)
Омикрон вирус Бета, Делта вирустэй холбоотой юу?
Одоогоор шууд холбоо харагдаагүй ч Омикрон вирус тархсан Өмнөд Африкт коронавирусийн 3 сая тохиолдол бүртгэгдэж, 900 мянган хүн нас бараад байна.
Эх сурвалж: ДЭМБ