Энэ долоо хоногт танд гайхалтай мэдрэмж дурсамж үлдээж чадах сонирхолтой эвентүүдийг онцлон хүргэж байна.
Юун түрүүнд, цаг агаарын мэдээлэлтэйгээ танилцаарай.
ХӨГЖИМ
Хаана: Steppe Arena
Хэзээ: 6 сарын 10
Электроник хөгжимд дурлагсдын тэсэн ядан хүлээдэг хөгжмийн наадам болох нь ээ! Дэлхийн шилдэг техно DJ нар Монголд анх удаагаа Kharkhorum фестиваль дээр гайхалтай тоглолт үзүүлэх гэж байна. Австралийн хөгжимчин Ben Frost, электроник хамтлаг Dopplereffekt, алдарт DJ Alex Wilcox нарын гайхалтай хөгжмийн тоглолтоос гадна маш том хэмжээний лед дэлгэцийн инстолляциар Испанийн уран бүтээлч Эфренийн бүтээл дэлгэгдэх болно. Тасалбарыг энд дарж аваарай.
КИНО
Алтан Өргөө Олон Улсын Кино Наадам 2023
Хаана: Тэнгис кино театр
Хэзээ: 6 сарын 7-11
11 дэх жилдээ зохион байгуулагдаж буй “Golden Ger” буюу “Алтан Өргөө” олон улсын кино наадмаар гадаад дотоодын шинэ шилдэг кино бүтээлүүд тавигдах болно. Кино бүтээлүүдтэй энд дарж танилцаарай.
GGIFF 2023 Bruno Barrenha Master Class
Хаана: Тэнгис кино театр
Хэзээ: 6 сарын 10
Германд ажиллаж амьдардаг Бразил гаралтай уран бүтээлч Бруно Барреньа олдмол материалын кино бүтээх өөрийн ур ухаан, туршлагаас хуваалцах болно.
ЭВЕНТ
Хаана: Үндэсний Соёл амралтын хүрээлэн
Хэзээ: 6 сарын 9-11
Харилцаа холбоо, мэдээллийн технологийн салбарын хамгийн том үзэсгэлэн болох ICT EXPO-2023 "Mindgolia" уриан дор 16 дахь жилдээ зохион байгуулагдах гэж байна. Олон төрлийн технологийн шийдлүүд бүхий бүүт, сонирхолтой арга хэмжээнүүдэд оролцохоос гадна ажлын байрны өдөрлөг, шилдэг cosplay уралдаан ч бий!
ҮЗЭСГЭЛЭН
“ӨӨРӨӨ ӨӨРТӨӨ ГЭРЭЛ БОЛ” УРАН ЗУРГИЙН ҮЗЭСГЭЛЭН
Хаана: Г.Занабазарын нэрэмжит дүрслэх урлагийн музей
Хэзээ: 6 сарын 6-14
Уран бүтээлч Лундаагийн Доржбат бие даасан Агнистын гэгээ “Өөрөө өөртөө гэрэл бол” уран зургийн үзэсгэлэнгээрээ үндэсний соёл, уламжлалыг харуулахын зэрэгцээ буддын шашны сургаалтай холбон гурван үеийн монгол бүсгүйн дүр төрхийг бүтээснээ дэлгэжээ.
KHARKHORUM ECLIPSE - international visual art exhibition
Хаана: Степпe Арена
Хэзээ: 6 сарын 10-11
Олон улсын визуал болон дуу авиан дүрслэлийн үзэсгэлэнд дэлхийд нэрд гарсан олон улсын уран бүтээлчид болон монгол контемпорари уран бүтээлчдийн орон зайн инстоляц, визуал, дуу авиан дүрслэлийн бүтээлүүд нэг дор дэлгэгдэх болно. Хөгжмийн наадмын үеэр гадаа орон зайд гарах нь үнэхээр сонирхолтой.
С.Шүрэнцэцэгийн "Bold Female Forms" уран бүтээлийн бие даасан үзэсгэлэн
Хаана: Norphei Art Gallery
Хэзээ: 6 сарын 7-17
Уран бүтээлч Шүрэнцэцэг “Bold Female Forms” нэрт 60 бүтээлээс бүрдсэн дөрөв дэх томоохон бие даасан үзэсгэлэнгээ ийнхүү дэлгэж байна.
