Спорт холбоодын нэгдсэн Улсын аварга шалгаруулах тэмцээн 2024 оны Нэгдүгээр сарын 19-28-ний өдрүүдэд явагдана. Тэмцээн спортын 20 төрлөөр Буянт-Ухаа спорт ордон, Steppe Arena, UG Palace, Хурд авиралтын заал, Техник спортын төв гэсэн таван спорт ордонд болох юм.
Маргааш буюу Нээлтийн өдөр “Туялзуур сэлэм”-ний төрөл 10:00 цагаас AIC STEPPE ARENA, Буянт- Ухаа Спортын Ордон" ТӨҮГ-т, “Бүжгийн спорт”-ын тэмцээн 12:00 цагаас AIC STEPPE ARENA -д явагдана.
Спорт холбоодын нэгдсэн Улсын аварга шалгаруулах тэмцээний бас нэг онцлог нь нэг тасалбараар 10 өдөр үзэх боломжтой. 14 хүртэлх насны хүүхэд үнэгүй орно.
UNC Холбоодыг Дэмжих Хөтөлбөр нь Монголын спортын хөгжилд бодит хувь нэмрээ оруулах зорилготой байгуулагдсан. Холбоодын Нэгдсэн УАШТ-д оролцож буй холбоо бүр энэ сангаас 15,000,000 төгрөгийн тусламж авах бөгөөд энэхүү санхүүжилт нь тухайн спортын ирээдүйн хөгжилд зарцуулагдана.
