"Аль Насср" клуб болон Португалийн шигшээ багийн тоглогч Криштиано Роналду 2023 оныг 54 гоолтойгоор өндөрлүүлсэн билээ. Тэрбээр эл амжилтаараа календарийн жилийн шилдэг мэргэн буучаар тодорсон юм.
Криштиано Роналду хэдхэн хоногийн өмнө өгсөн ярилцлагаараа дэлхий нийтийн анхаарлын төвд ороод байна. Тэрбээр эл ярилцлагадаа "Аав маань "Бусдад туславал Бурхан чамд хоёр дахин ихийг буцааж өгдөг" гэж сургасан. Тэгэхдээ үнэхээр л надад энэ бүхэн тохиолдсон. Би тусламж хэрэгтэй хүмүүст туслах үед Бурхан надад бүр ч их тусалдаг байлаа" гэжээ.
Мөн "Би хэзээ ч гарын үсгээ зурах, хэн нэгний тэврэлт, хамтдаа зургаа даруулахаас татгалзахгүй. Би ч бас хөлбөмбөгийн шүтэн бишрэгч байсан. Сүүлийн үед харин "Алтан бөмбөг" болон БаллонДорт итгэл алдарч байна. Месси авсанд атаархсандаа ч биш. Энэ шагналуудын аль нэгийг Хааланд, тэр байтугай Мбаппе ч хүртээгүй гэж шүү дээ. Гэхдээ тоонууд тэдний талд байна, тоо хэнийг ч хуурдаггүй юм. Та бүхэл бүтэн улирлыг анхаарч үзэх хэрэгтэй. Тоо бол баримт" хэмээн ярьжээ.
