Гүнж Кэтрин зургаа засварласандаа уучлал хүсэв
Уэльсийн гүнж Кэтрин "Ээжүүдийн өдөр"-ийг тохиолдуулан саяхан гурван хүүхэдтэйгээ авхуулсан зургаа цацсан юм. Тэрбээр Зул сараас хойш олны хараанд өртөхөө больсон бөгөөд Кенсингтон ордноос түүнийг нэгдүгээр сард хэвлийн хөндийн мэс засалд орсон гэх мэдээлэл цацагдсан билээ. Өнгөрсөн хугацаанд түүнийг яагаад гэнэт алга болсон талаар олон янзын таамаглал хөвөрч байсан юм.
Харин тэрбээр хэвлэл мэдээллийн хэрэгслүүдээр гарч буй шуугианыг намдаан "Ээжүүдийн өдөр"-өөр ийнхүү сүүлд авхуулсан зургаа тавьсан аж. Гэвч Кенсингтон ордон зураг цацсанаас хойш хэдхэн цагийн дараа Ассошиэйтед Пресс, Ройтерс, Франс Пресс зэрэг томоохон хэвлэлүүд зургийг засварласан болохыг баталж, зургийг устгахыг уриалсан байна. Кенсингтон ордон зургийг устгаж, Уэльсийн гүнж Кэтрин албан ёсоор уучлал хүссэн байна. Тэрбээр жиргээндээ "Гэрэл зураг сонирхогчдын нэгэн адилаар би үе үе зургаа засварлах туршилт хийдэг. Өчигдөр хуваалцсан манай гэр бүлийн зураг олон нийтийн дунд төөрөгдөл үүсгэсэнд уучлалт хүсэж байна" гэжээ.
Like many amateur photographers, I do occasionally experiment with editing. I wanted to express my apologies for any confusion the family photograph we shared yesterday caused. I hope everyone celebrating had a very happy Mother’s Day. C
— The Prince and Princess of Wales (@KensingtonRoyal) March 11, 2024
Ордноос мэдээлснээр уг зургийг ханхүү Уильям өнгөрсөн долоо хоногт Виндзорын шилтгээн дэх Аделаида зусландаа байхдаа дарж, Гүнж Кэтрин янзалсан гэнэ.
Холбоотой мэдээлэл: Гүнж Кейт Миддлтоныг алга болсон хэмээн дэлхий даяар шуугьж байна
Эх сурвалж: The New York Times