1 мин

Сонгуульд үнэмлэхүй ялалт байгуулсан Путин Улаан талбайд ялалтаа тэмдэглэв

Ub.life 2024.03.19 2

Өнгөрсөн долоо хоногт ОХУ-д ерөнхийлөгчийн сонгууль болж, Владимир Путин 87.3 хувийн санал авснаар сонгуульд ялалт байгууллаа. Ийнхүү тав дахь удаагаа ерөнхийлөгчийн албыг хашихаар болсон Путин өчигдөр дэмжигчдийн хамт Улаан талбайд ялалтаа тэмдэглэжээ.

Нэр төдий гэгдэж буй энэ удаагийн сонгуульд сөрөг хүчний нэр дэвшигчдийн олонх нь нас барсан, шоронд хоригдсон, цөлөгдсөн, сонгуульд нэр дэвших эрх нь хасагдсан байсан юм. "Зөвшөөрөгдсөн" гурван нэр дэвшигч нь хэт үндсэрхэг үзэлт Оросын Либерал Ардчилсан Намаас нэр дэвшигч Леонид Слуцкий, Шинэ Ардын намын Владислав Даванков, Коммунист намын нэр дэвшигч Николай Харитонов байв. Сонгуульд оролцсон гэх энэ гурван нэр дэвшигч өчигдрийн үйл ажиллагаанд хүрэлцэн ирж тайзан дээрээс Путиныг магтсан үг хэлсэн байна.

Сонгуульд дөрвөн хувийн санал авсан Николай Харитонов Крымийг эх оронд нь буцаан авчирсан гэж Путиныг магтсан бол Леонид Слуцкий Крым дэлхийн газрын зураг дээр үүрд Оросын нэг хэсэг байх болно гээд "Оросын төлөө, бидний агуу ирээдүйн төлөө, Оросын агуу ерөнхийлөгчийн төлөө" хэмээн уухайлжээ.Шинэ Ардын намын Владислав Даванков 2014 онд Крымийг дахин нэгтгэхэд Путинаар бахархаж байснаа хэзээ ч мартахгүй гэсэн байна.

Холбоотой мэдээлэл: Саналын хайрцаг руу будаг асгаж, шатаахыг завдсан иргэдэд эрүүгийн хэрэг үүсгэжээ

Эх сурвалж: The New York Times 

Ub.life 2024.03.19