"1984" постдрамын жүжгийн тухай үзэгчдийн бичсэн 13 онцлох пост
“Орфей” театрын хамт олны бүтээл болох "1984" постдрамын жүжиг орой бүр 19:00 цагаас “Улаанбаатар” зочид буудлын Их танхимын тайзнаа үзэгчдийн хүртээл болж байна. Хэрэв та үзэж амжаагүй байгаа бол, мөн үзэх эсэхээ шийдэж ядан суугаа бол үзэгчдийн мэдэрсэн зүйл, сэтгэгдлийн зах зухаас багахан ч атугай уншиж сонирхоорой.
1. "Би өнөөдөр хэн бэ, хэн болж хувирч өөрчлөгдөж байна, бурхан уу чөтгөр үү, надад өнөөдөр эрх чөлөө бий бил үү" гэж өөрөөсөө асуухад хүргэсэн юм.
2. Өнгөрсөн хийгээд ирээдүй хоёрын зааг дахь өнөөдөр л та нар үүнийг ухаараач ээ гэдэг мессежийг энэ жүжгээр дамжуулан бидэнд өгөхийг хүсчээ.
3. Өмнө нь харагдаж байгаагүй цонх нээгдэж, таньдаг ч юм шиг танил мэт “Онцгой” жүжиг үзлээ.
4. Өнөөдөр аль нь илүү бодитой вэ? Жүжгийг үзээд нэгийг бодно буй за.
5.
6. 1984 романыг яг өнөөдөр энэ цаг үед жүжиг болгон тавина гэдэг нийгмээ сөрж буй, үзэгчдээ сэрээж буй зориг юм.
7. 1984 бол бодож сэтгэх эрх чөлөөгөө боомилуулах вий гэж хүн төрөлхтөнд сэрэмжийн харанга дэлдэж үлдээсэн гэрээслэл.
8. Жүжгийн тухай гэхээсээ илүү өөрийнхөө тухай, нийгмийнхээ тухай, цаг үеийнхээ тухай, зарим заримдаа яг өөдөөс харан эсрэг талд суугаа “том ах”-ын юу бодож байгаа тухай бодож суулаа.
9. Зүгээр тайзны найруулгын жиниус, god!
10. Түгшүүр, шаналлаас гарч ирмэгцээ амьсгалж буй агаар хүртэл үнэтэй шиг, хэнээс ч айж эмээлгүй ярьж, бодож, сэтгэнэ гэдэг нь эрх чөлөөний хамгийн том илрэл билээ.
11.
12. Магад бидний өнөөгийн нийгмийг тольдон харуулсан мэт…
13. Бодъё.