Канадын жүдоч Жессика Климкейт Парисын олимпын шигшээ багт багтаж чадаагүй билээ. Түүний жинд Криста Дэгүчи олимп явах болсныг Канадын жүдо бөхийн холбооноос зарласан.
Ингээд Жессика Климкейт фэнүүддээ захидал бичин, энэ олимпын цикл хэрхэн өнгөрснийг тайлагнажээ. Тэрээр “Сүүлийн 3 жилийн ихэнх тэмцээнд гэмтэлтэй, бэлтгэл дутуу барилдсан. Учир нь зарим үед хэт ядарсан байлаа. Миний зорилго оноо цуглуулж, чансаагаар Дэгүчиг даван гарах байсан ч чадсангүй. Олимпод оролцож чадахгүй болсон тул одоо сайхан амарч, хүч чадлаа сэлбэнэ” гэж бичсэн байлаа.
