Hi-Fi рекордсын өнгөрсөн оны хамгийн шилдэг 10 цомгийг танилцуулж байна.
10. “М Tradition” Бараа&Мийгаа
Лимбэчин Б.Мягмарцэрэн, ёочин хөгжимчин Х.Бархүү нар 2010 оноос хамтран уран бүтээл туурвих болжээ. 2016 оны “Авьяаслаг Монголчууд” шоуны дэд байрт шалгарсан. “M Tradition” цомогт ардын дууг орчин үеийн хөгжимтэй хослуулан уран бүтээлүүд багтжээ.
Урсгал: Ардын
Цомгийн онцлох дуу
Уран бүтээлчдийн фэйсбүүк хаяг
9. “Defined” Ч.Цэлмүүн
“Universe best songs-2009” тэмцээний ялагч, дуучин Ч.Цэлмүүний хоёр дахь бие даасан цомог. Япон улсад суралцаж буй уран бүтээлчийн эл цомогт поп, R&B жанрын 9 дуу багтсан байна.
Урсгал: Поп/R&B
Цомгийн онцлох дуу
8. “Өнгө аяс” Б.Ангирмаа
Ая, зохиогч, продюсер, дуучин Б.Ангирмаа “Удахгүй ээ”, “Өнгө аяс” нэртэй хос цомгоо 2017 оны 4 сард худалдаанд гаргажээ.
Урсгал: Поп
Цомгийн онцлох дуу
7. “Чамайг мартаагүй” Б. Баярцэцэг
Дуучин Б.Баярцэцэгийн шилдэг дуунуудаас бүрдсэн “Чамайг мартахгүй” болон Монголын эстрадын 1980-1990-ээд оны сэтгэлд хоногшсон дуунуудыг "smooth jazz" урсгалаар амилуулсан “Миний шүтээн” цомгуудаа өнгөрсөн оны 6 сард гаргажээ.
Урсгал: Поп
Цомгийн онцлох дуу
6. “Амьдралын бэлэг” Ц.Чулуунбат
“Харанга” хамтлагийн гишүүн, хөгжмийн зохиолч МУУГЗ Цэрэндоржийн Чулуунбатын “АМЬДРАЛЫН БЭЛЭГ” нэртэй цомгоо 2017 оны 5 сард худалдаанд гарсан бөгөөд тус цомог нь нийт 11 дуунаас бүрджээ.
Урсгал: Поп
Цомгийн онцлох дуу
5. “Nocturne” Одонбат&МО
Одонбат, Мөнх-Оргил нарын “Nocturne” нэртэй шинэ цомог 2017 оны 8 сард худалдаанд гарсан. Энэхүү электроник цомогт NMN, Маралжингоо, Билгүүн /The Compass/, Guli, Шижирмаа, Sleepo зэрэг уран бүтээлчидтэй хамтарсан нийт 15 дуунаас бүрджээ.
Урсгал: Электроник
Цомгийн онцлох дуу
4. “Tokyo” Бодьхүү
Өмнө “Night Shine”, “Rio (EP)” зэрэг цомгуудаа цахим хэлбэрээр хүргэж байсан Бодьхүүгийн цомог энэ удаа ч мөн адил цахим хэлбэрээр Монголын болон Олон улсын цахим дэлгүүрүүдээр сонсох, татаж авахаар гарсан байна.
Урсгал: Электроник
Цомгийн онцлох дуу
3. “Unplugged in Ub” The Lemons
The Lemons хамтлаг 2016 оны 5 сарын 27-нд УДБЭТ-т хийсэн "Unplugged" тоглолтын бичлэгээ цомог болгон 2017 оны 5 сард “Unplugged in UB” нэртэйгээр гаргажээ. Цомгоос "The Lemons" хамтлагийн дуунуудыг классик хувилбараар сонсох боломжтой бөгөөд амьд тоглолтын бичлэг учир сонсох зуур яг л тоглолт үзэж байгаа мэт сэтгэгдэл төрүүлнэ.
Урсгал: Рок/ альтернатив
Цомгийн онцлох дуу
2. “Хөг-жим” Ука
Киви хамтлагийн ахлагч, дуучин Укагийн 3 дахь бие даасан цомог. Уг цомогтоо Монголын хөгжмийн ертөнцийн тулгын гурван чулуу гэж хүндлэгддэг МУАЖ, Төрийн хошой шагналт Л.Мөрдорж, МУАЖ, Төрийн шагналт С.Гончигсумлаа, МУАЖ, Төрийн хошой шагналт Б.Дамдинсүрэн нарын хөгжмийн зохиолуудаас сэдэвлэн, орчин цагийн үг, аялгуу оруулан уран сайхнаар хийхийг зорин ажиллажээ.
Урсгал: Рок/ альтернатив
Цомгийн онцлох дуу
1. The Jazz Train “The Jazz Train”
2017 оны шилдэг цомгоор "The Jazz train" шалгарчээ. 2016 оны 9-р сард байгуулагдсан жазз хөгжмийн урсгалаар тоглодог шинэ залуу хамтлаг нь бие даасан анхны цомгоо “The Jazz Train” нэртэйгээр 2017 оны 3 сард гаргасан. Монголын хамгийн анхны жазз инструментал цомог хэмээн нэрлэж болно. Тус цомог нийт 8 дуунаас бүрдсэн бөгөөд дан хөгжмийн зохиол 6, хамтлагийн продюсер Мартин Зинкерийн шинэчилсэн найруулга бүхий хоёр дууг дуучин Э.Энхжаргал дуулснаараа онцлог.
Урсгал: Рок/ альтернатив
Цомгийн онцлох дуу
