Наймдугаар сарын 18-нд Саудын Арабын Супер цомын финалын тоглолт “Аль-Насср” болон "Аль Хилал" багуудын хооронд явагдлаа.
Эл тоглолтын эхний гоолыг 44 дэх минутад “Аль-Насср”-аас Криштиано Роналду оруулсан ч, “Аль-Хилал”-аас хоёрдугаар хагаст Александр Митрович хоёр гоол, Сергей Милинкович-Савич, Малком нар тус бүр нэг гоолыг оруулснаар баг нь 4:1-ээр хожиж, Саудын Арабын Супер цомын тэмцээнд түрүүлэв.
“Аль-Насср”-ийн хагас хамгаалалтын генерал Марсело Брозович өмнөх шатнаа “Аль-Таавун”-тай хийсэн тоглолтод улаан хуудсаар торгуулсан тул финалын тоглолтыг өнжсөн юм.
“Аль Хилал” Супер цомын тэмцээнд хоёр дараалан, нийт тав дахиа түрүүлсэн нь энэ.
Харин Саудын Арабын Про лигийн 2024-25 оны улирал 8-р сарын 23-нд хөшгөө нээх хуваарьтай байна.