Италийн шигшээ, Ювентус багийн домогт хаалгач Жанлуижи Буффон өнгөрсөн амралтын өдрүүдэд хуримаа хийлээ. Түүний сүйт бүсгүй нь Италийн телевизийн хөтлөгч Илария Д'Амико.
Буффон сүй тавьснаа 2017 оны зун зарлаж байсан ч бүтэн долоон жил хүлээлгэсний эцэст ийнхүү албан ёсоор гэрлэж байгаа юм. Хуримын зочид нь тэр чигээрээ одод байсныг хэлэх юу байх билээ.
Буффоны хувьд энэ нь хоёр дахь гэрлэлт. Өмнө нь тэр Чехийн модель Алена Середоватай гэрлэж, найман жил хамт амьдарсан түүхтэй. Тэд хоёр хүүхэдтэй.
Алдарт хаалгач маань Sky телевизийн хөтлөгч Илариятай танилцаад, Аленагаас салахаар шийдсэн юм.