"Их дуулга" ангиллын 22 удаагийн аварга Рафаэль Надаль энэ улирлын төгсгөлд теннисний спортоос зодог тайлахаар шийджээ.
Өдгөө 38 настай тэрээр ирэх сард Малага хотноо явагдах Дэвисийн цомын тэмцээний үеэр сүүлчийн удаа теннис тоглоно. Испанийн шигшээ эл тэмцээний шигшээ наймд Нидерландын багтай өрсөлдөх юм. Надаль уг тэмцээний цомыг тав дахиа өргөхийг хүсч буй нь гарцаагүй.
Тэрбээр Францын нээлттэй тэмцээний ганцаарчилсан төрөлд 14 удаа түрүүлсэн.
Түүнчлэн АНУ-ын нээлттэй тэмцээний дөрвөн удаагийн аварга бөгөөд Австралийн нээлттэй тэмцээн болон Уимблдонд тус бүр хоёр удаа аваргалсан юм.
