Өнөөдөр (10.13.2024) болсон "Чикаго -2024" марафоны үеэр нэгэн гайхамшигтай дэлхийн рекорд тогтоогдлоо.
46 дахь удаагаа зохиогдож буй, дэлхийн зургаан том марафоны нэг (World marathon majors) "Чикаго марафон" -д энэ жил 50,000 гүйгч барианд орсон нь рекорд болсон.
Гэхдээ хамгийн гол зүйл бол Кенийн марафонч бүсгүй Рут Чепнгетич 42 км 195 м -ийг 2 цаг 09 минут 56 секундэд туулж, Дэлхийн рекордыг шинэчиллээ.
Тэрбээр жилийн өмнө Этиопийн Тигист Ассефагийн тогтоосон (2:11:53) эмэгтэйчүүдийн марафоны дэлхийн рекордыг бараг л бүтэн хоёр минутаар ахиулсан төдийгүй 2 цаг 10 минутын дотор марафоны зайг туулсан анхны эмэгтэй гүйгч боллоо.
Энэ жил 30 настай Чепнгетич нь 2019 оны хөнгөнатлетикийн ДАШТ-ий марафон гүйлтийн алтан медальтай, дэлхийн аварга бөгөөд "Чикаго марафон"-д гурав дахиа түрүүлж (2021,2022,2024 онд) буй нь энэ юм.
Ц.Энхтүвшин Таван цагариг сонин