Бразилийн шигшээ багийн довтлогч Неймар өвдөгний шөрмөсөө тасалж, мэс засалд орсноосоо хойш 369 хоногийг талбайн гадна өнгөрүүлсэн юм.
Өдгөө 32 настай тэрбээр Азийн Аваргуудын лигийн 3-р тойрогт явагдсан “Аль-Айн” болон "Аль-Хилал" багуудын тоглолтын 77 дахь минутад сэлгэгдэн талбайд гарчээ.
Эл тоглолтод “Аль-Хилал” клуб 5:4 харьцаатай хожсон юм.
Неймар 2023 оны аравдугаар сарын 17-ны өдөр Уругвайн шигшээ багийн эсрэг 2026 оны ДАШТ-ий урьдчилсан шатны тэмцээнд тоглож байхдаа бэртэл авсан. “Аль-Хилал”-ийн төлөө ердөө таван тоглолтод оролцсоныхоо дараа гэсэн үг.
Бразилийн шигшээ багийн бүх цаг үеийн шилдэг мэргэн буучийн хувьд эл явдлаас сарын дараагаар хагалгаанд орсон нь ийнхүү 369 хоногийг талбайн гадна өнгөрүүлэхэд хүргэсэн юм.
Неймар 2023 оны наймдугаар сард “Парис Сент-Жермен”-ээс Саудын Араб руу буурь сэлгэхдээ 90 сая еврогоор үнэлэгдэж, мөн нэмэлт нөхцлүүдэд тулгуурласан хэлэлцээрийн үр дүнд тохиролцож чадсан.
Тэрээр “ПСЖ”-д өнгөрүүлсэн сүүлийн хоёр улиралдаа шагайны бэртлийн улмаас олон сарын турш тоглолтоос өнжиж байв.