Энэ сарын 1-нээс эхэлсэн мэргэжлийн сүмо бөхийн холбооны Намрын тойргийн барилдаан үргэлжилж байна. Ёкозүна Тэрүнофүжи эхний өдрөөс оролцсон ч Вакаямад 20-нд болсон барилдааны дараа өвчний учир чөлөө авлаа.
Сүмо бөхийн холбооноос “Ёкозүна Тэрүнофүжи чихрийн шижин өвчин, хоёр өвдөгний үрэвсэл гэсэн оноштойгоор тойргийн барилдаанаас чөлөөлөгдөж байна. Эмчийн бичгийн дагуу ёкозүна долоо хоног эмчлүүлэх шаардлагатай” гэж мэдэгдлээ.
Есдүгээр сарын тэмцээнд аварга мөн адил оноштойгоор Аки башёд барилдаагүй. Намрын тойргийн барилдаан энэ сарын 27-ныг хүртэл үргэлжлээд 28-нд 11 сарын тэмцээний банцүкэ гарах юм. Кюүшюү башё 11 дүгээр сарын 11-нд эхлэх болно.
