Хятад пүүл бильярд (Heyball)-ын Азийн АШТ аравдугаар сарын 19-22-ны өдрүүдээр Катарын нийслэл Доха хотноо явагдаж өндөрлөлөө. Эл тэмцээнд Монголоос Э.Тэмүүжин, Б.Нарантуяа, Б.Баттуяа, Э.Ариунцэцэг нар хүч сорьсон юм.
Нийлбэр дүнгээр Э.Тэмүүжин Монголоос анхлан бильярдын Азийн АШТ-д түрүүллээ.
Тэрбээр Америк пүүл бильярдын төрлөөрх өсвөрийн ДАШТ-ээс хошой мөнгөн (2016, 2017 онд) медаль хүртсэн төдийгүй өнөө жил снукер бильярдын Монгол улсын АШТ-д түрүүлсэн амжилттай тамирчин юм.
Сонирхуулахад, Доха хотноо аравдугаар сарын 23-26-ны өдрүүдээр Катарын нээлттэй тэмцээн болох бөгөөд харин аравдугаар сарын 28-наас арваннэгдүгээр сарын 9-ний хооронд снукер бильярдын 15 улааны ДАШТ явагдах хуваарьтай байна.
