Энэ сарын 28-31-нд Албанийн нийслэл Тирана хотод чөлөөт бөхийн олимпын бус жингүүдийн ДАШТ болох гэж байна. Тус тэмцээнд оролцох Оросын шигшээ баг бэлтгэлээ дуусгаж, Албанийг зорилоо.
ОХУ-ын шигшээ багийн дасгалжуулагч Хажимурат Гацалов хоёр дахь удаагаа ДАШТ-д баг удирдаж орох гэж байна. Эхний удаад тун амжилтгүй буюу 10 жингийн дөрөвт нь л медаль авч чадсан. Энэ удаа ДАШТ-д барилдах 4 бөхийн хоёр нь Токио олимпын аварга байна.
61 кг. Заур Угуев – олимпын аварга, дэлхийн хошой аварга.
70 кг. Иналбек Шериев - U-23 дэлхий, Европын аварга.
79 кг. Магомед Магомаев - U-23 дэлхийн аварга.
92 кг. Абдулрашид Садулаев – олимпын хошой аварга, дэлхий, Европын 5 удаагийн аварга.
