2025 онд Саудын Арабт зохион байгуулагдах 17 хүртэлх насныхны Азийн АШТ-ий урьдчилсан шатны “F“ хэсгийн тоглолтууд өчигдрөөс эхэллээ.
Монголын шигшээ баг аравдугаар сарын 23-нд талбайн эзэн Катарын шигшээ багтай тоглож, 2:0 харьцаатай хожигдов.
Эл тоглолтод Катарын ахлагч Заид Файсал дубль толилуулсан юм.
“F“ хэсгийн нөгөө тоглолтод Японы баг 9:2 харьцаатай Непалийн шигшээг хожсон. Ингэснээр Япон болон Катарын багууд гурван оноотойгоор энэ хэсгийг тэргүүлж байна.
Баасан гарагт Катарын баг Непалтай, Монголын шигшээ Японтой тоглоно.
Түүнчлэн Монголын хөлбөмбөгчид аравдугаар сарын 27-нд Непалын эсрэг хэсгийн шатны сүүлийн тоглолтоо хийх хуваарьтай байна.
Хэсгээ тэргүүлсэн нэг баг 17 хүртэлх насныхны Азийн АШТ-д оролцох эрхээ авах бол харин хэсгийнхээ хоёрдугаарт эрэмблэгдсэн багуудаас сайн үзүүлэлттэй таван багт эл эрхийг олгох юм.