Аравдугаар сарын 27-ний өдөр явагдсан Шанхайн олон улсын тэмцээнд хурд сорьсон Б.Мөнхзаяа 4-р байрт шалгарчээ. Тэрбээр 10 км-ын зайн уралдаанд 33.31 минутын амжилтаар бариалсан нь Монгол улсын дээд амжилтаар бүртгэгдэв.
Монголоос марафон гүйлтээр олон улсын тэмцээнд тогтмол оролцдог мэргэжлийн эмэгтэй тамирчин арав хүрэхгүй цөөн. Харин Б.Мөнхзаяа өнгөрсөн жил Ази тивийн АШТ-ээс хүрэл медаль хүртэж монгол тамирчдын нөөц, тэсвэр хатуужил хэр өндөр түвшинд хүрснийг дэлхий дахинаа тунхагласан юм. Хүн төрөлхтний баяр цэнгэл олимпын наадамд гурвантаа, тамирчин бүрийн мөрөөдлийн оргил ДАШТ-д хоёр удаа эх орноо төлөөлөн оролцож, уралдааны замаа амжилттайгаар туулсан билээ, тэр.
