Шинэ долоо хоногийн мэнд хүргэе! Нар ээсэн дулаахан 11 сар үргэлжилсээр байна. Ингээд та бүхэндээ энэ долоо хоногт зарлагдсан шинэхэн эвент, хөгжмийн тоглолт, төрөл бүрийн бүтээлч өдөрлөгүүдийг танилцуулъя.
Сүүлийн дулаан өдрүүдийг алдалгүй сайхан дурсамж бүтээгээрэй
Poetry Night at Fat Cat : Singer’s Edition
UB LIFE сайт болон Fat Cat Jazz Club Ulaanbaatar хамтран зохион байгуулдаг "Poetry Night" эвент энэ удаа онцгой зочдын хамтаар та бүхэнд хүрэхэд бэлэн болоод байна. Дуу хөгжмийн ертөнцөд өөрсдийн өвөрмөц, сэтгэл хөдлөм байдлаараа олонд танигдсан Mxrningstar, Solongo, Arman Bakhytbyek нарыг энэ удаагийн зочдын хэсэгтээ урьж оролцуулахаар болсныг дуулгахад таатай байна.
Хэзээ: 11 сарын 12
Хаана: Fat Cat Jazz Club
Тасалбарын үнэ: 20000 төгрөг
Хэвлэл мэдээллийн салбарт ажиллаж буй хэн бүхэн, сэтгүүл зүй сонирхогчид, чөлөөт бичигч, оюутан залууст зориулсан нээлттэй хэлэлцүүлгийн талбар “The Media Show 2024” арга хэмжээ зохион байгуулагдах гэж байна. Мэргэжлийн шинэ ур чадварт суралцах, хүсэл, сонирхол нэгтэй мэргэжилтнүүдтэйгээ танилцаж хүрээллээ тэлэх, медиа бизнес дэх шинэ соргог мэдээ, мэдээлэл олж авах сонирхолтой хөтөлбөр, чөлөөт хэлэлцүүлгийг “The Media Show” өрнүүлдгээрээ онцлогтой аж.
Хэзээ: 11 сарын 16
Хаана: Монголын Үндэсний Худалдаа Аж Үйлдвэрийн Танхим
Тасалбарын үнэ: 29000-49000 төгрөг
Дуучин Нарангийн “Welcome to my heart“ дууг мэдэхгүй хүн ховор болов уу. Нэгэн үдшийг түүнтэй хамт дуртай дуунуудаа дуулан, чин зүрхээ чагнан өнгөрүүлээрэй.
Хэзээ: 11 сарын 15
Хаана: UG Arena
Тасалбарын үнэ: 49000-1600000 төгрөг
National Youth Conference 2024
Өөр өөрийн хүсэл тэмүүлэл, зорилгоо өвөртөлсөөр хамтын ажиллагаа, хамтач сэтгэлгээтэйгээр илүү бүтээмжтэй байх талаар үндэсний хэмжээнд нөлөөлөгч экспертүүд, монгол болон олон улсад ажиллаж, хөдөлмөрлөж буй залуус хамтдаа ярилцаж олон талт өнцөг, туршлага, мэдлэг мэдээлэл, боломжуудаа хуваалцах болно.
Хэзээ: 11 сарын 15
Хаана: UG Arena
Тасалбарын үнэ: 39900-99900 төгрөг
Францын алдарт зохиолч В.Хюго-н “Инээмтгий хүн” романаас сэдэвлэн PRO THEATRE- н залуу уран бүтээлчид визуал драмын жүжиг тавих гэж байгаа аж.
Хэзээ: 11 сарын 16
Хаана: РЦНК
Тасалбарын үнэ: 30000-80000 төгрөг
Shuwu “24“ Concert & Album Release Show
Реппер Shuwu-н 2 дахь цомог болох “24” сонсогчдын сонорт хүрэхэд бэлэн болжээ. Түүний анхны бие даасан тоглолтод та бүхнийг олон олон цоо шинэ дуу болон одоо цагийн хамгийн идэвхтэй уран бүтээлээ хийж байгаа олон чадварлаг уран бүтээлчид хүлээж байна.
Хэзээ: 11 сарын 16
Хаана: Crocus event hall
Тасалбарын үнэ: 50000 төгрөг
